Amritodaya 4.32
Amṛtodaya 4.32
- Language
- Sanskrit
4.32
puruṣottamaḥ—vatsa, sūnṛtavacano'si | prasanno'smi te | prayacchāmi
saṃyamavaśopanatamapratihatabhautikaṃ cakṣuḥ | paśya me svarūpam | (ityāvaraṇamapasārayati |)
puruṣaḥ—(nirūpya |) aho nu khalu bhoḥ, iha bṛhatāmapi bṛhattame
niḥsīmamahimabhūmani cir̤akūpāre plavante ca majjanti conmajjanti ca
jagadalābūni
kutrāpyuddhriyate jalātkvacidapāṃ garbhe cirādupyate
kvāpi bhrāmyati kutracidvidalati dvedhā nakhairbrahmaṇaḥ
kutrāpi jvalati kvacidbhasitasādbhūtaṃ samudbhūyate
tejobhiḥ kvacana kvacicca timirairbrahmāṇḍamāpūryate