Jivananda 1.14

1.14

sūtradhāraḥ—tanniyojaya bhūmiparigrahāyāsmadvargyaṃ śailūṣagaṇam
pāripārśvakaḥ—bāḍham | kiṃ tu santi kathānāyakasya jīvasya
parijanā vijñānaśarmaprabhṛtayaḥ, pratināyakasya ca yakṣmaṇaḥ parijanāḥ
pāṇḍuśvāsakāsajvaragulmātisāraprabhṛtayaḥ | teṣāṃ yadyapi bhūmikāgrahaṇapaṭavo naṭabaṭavaḥ puṇḍarīkakeyūrakamayūrakasāraṅgakataraṅgakaprabhṛtayaḥ saṃhyanti | tathāpi prayogasya bahutvena duravagāhatayā kathamabhīpsitārthasiddhirbhaviṣyatīti vicāreṇa vyākṛṣyata iva me hṛdayam
sūtradhāraḥ—yatkiṃcidetat | mahatāmeṣāṃ sāmājikānāmanugraha
evāsmākamabhīpsitamarthaṃ samagrayiṣyati | yataḥ
jāḍyaṃ bhinatti janayatyadhikaṃ paṭutvaṃ
sārvajñamāvahati saṃmadamātanoti
vidveṣivargavijayāya dhṛtiṃ vidhatte
kiṃ kiṃ karoti na mahaddbajanaṃ janasya