Jivananda 1.23
Jīvānanda 1.23
- Language
- Sanskrit
1.23
dhāraṇā—(svagatam |) maṃ tāvasiṃ evva jāṇia maha muhādo
paccatthirāapauttiṃ suṇiduṃ aṇūṇaappaāro eso | hodu | ahaṃ vi
ajāṇantīva pucchāmi | (prakāśam |) kastvam | kva gacchasi
sūnṛtena te vacanena sādhurbhavāniti pṛcchāmi | (ka)
mantrī—(svagatam |)) iyamātmānaṃ gopayati | ahamapi tathaivottarayāmi | (prakāśam |) kāryaviśeṣe'dhikṛtaṃ jānīhi yenaivamadhikṛtastannikaṭe gacchāmi
dhāraṇā—(svagatam |) esā vipakkhajaṇapakkhavādiṇitti gopaṇappaāro eso | (prakāśam |) kenādhikṛto'si | (kha)
mantrī—bhagavati, tvameva jānāsi | yataḥ praṇidhānena yoginaḥ
sakalamapi pratyakṣayanti
dhāraṇā—(svagatam |) kahaṃ edaṃ āpaḍidam | hodu | joiṇo
via āsiaṃ karia amaccaṃ vañcemi | (iti dhyānārūḍhā tiṣṭhati |) (ga)
mantrī-(svagatam |) eṣā khalu
kṛtvā svastikamāsanaṃ karayugaṃ vinyasya jānudvaye
nāsāgrārpitatārakā natamṛjūkṛtyāvalagnaṃ dṛḍham
niḥśvāsocchvasitoparodhaghaṭitastaimityapīnastanī
citte me kṛtasaṃyameva kurute dhūrtā mahatkautukam
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit