Jivananda 1.25

1.25

dhāraṇā-(svagatam |) kiṃ jāṇidaṃ mhi amacceṇa jahatthaṇāmadheeṇa jaṃ tāvasīvaṇṇaṇavvājeṇa ahaṃ jevva vaṇṇidā | hodu | evvaṃ
bhaṇāmi | (prakāśam |) mahānkhalu yogaprabhāvaḥ | (ka)
mantrī-bhagavati, tava na kiṃcitprāṇināmantargatamaviditamasti
atastvāṃ prārthaye | kathamasmākaṃ rājani yakṣmā manyate | yoginyāstava
duḥkhiteṣu kathameṣāṃ duḥkhavimuktiḥ syāditi cittaparikarmaviśeṣaḥ
karuṇā bhavatyeva | yogāṅgeṣu yameṣu vāṅmanasayoryathārthatvarūpaḥ satyaṃ nāma
dvitīyo yamo'pi tathā | ata idaṃ nirviśaṅkaṃ prārthanāpūrvaṃ pṛṣṭāsi
dhāraṇā-(svagatam |) jakkharājapakkhavādavisese vi joiṇīe
pucchidassa jahatthuttaraṃ abhaṇia asakkaṃ ṭhāḍhuṃ tti maṇṇai amacco | (ka)
(prakāśam |) kimanyat | purānniṣkramayitavyo'yamiti manyate
mantrī—kathametadetasya saṃghaṭate sāmādiṣu caturṣūpāyeṣvekaikasyāpi
prayogeṇa susādho hi ripumanorathabhaṅgaḥ
dhāraṇā—nanvimaṃ duṣkaraṃ paśyāmi
yakṣmaṇi vibhau prayogaṃ ghaṭayanti na sāmabhedadānāni
daṇḍaḥ prabhavennu kathaṃ prabalatare ripujane khasmāt