Jivananda 1.32

Jīvānanda 1.32

Language: Sanskrit

1.32

tasmātprabalajaḍatīkṣṇaprakṛtīnāṃ vātapittakaphānāṃ madhye prabalo yo vātaḥ
sa tu bahuvidhasnehaviśeṣaprayogeṇa vaśīkāryaḥ | tadanugatasya pittasya
madhuropacāreṇaiva sukaro vaśīkāraḥ | ubhayaviruddho jaḍo yaḥ kaphastatretaropāyasyāprasarāttīkṣṇaprayogeṇaiva sa vaśamānetavyaḥ | evaṃ ca tattatsamucitairupāyaiḥ sarvāmayanidāneṣu vātādiṣu svādhīneṣu tajjanitānāmitvareṣāmunmeṣa eva dūrato'pāstaḥ | kiṃ ca
sarvasminviṣaye niraṅkuśatayā yaddurnigedhaṃ manaḥ
prāyo vāyuriva prakṛṣṭabalavatsarvātmanā cañcalam
tatkāmādibhiruddhatairupahataṃ saṃpreritairyakṣmaṇā
tatsauhārdamupetya yadyapi punarnaḥ prātikūlyaṃ caret

Previous: 1.31
Next: 1.33
Up: 1

Linked texts (2)

Śrīkaṇṭhacarita — Maṅkha, Sanskrit
Jīvānanda (Ānandarāya Adhvarin) — Ānandarāya Adhvarin, Sanskrit