Jivananda 3.16
Jīvānanda 3.16
- Language
- Sanskrit
3.16
kiṃ ca | sudhālepadhavalīkṛtasaudhavasatayaḥ paurayuvatayaḥ śāradābhragataparamādbhutataḍillatāvibhramamudbhāvayanti | kiṃ ca, cañcarīkagaṇaścitralikhitasahakāramañjarīkalitotkalikayā saṃcaramāṇo'pi kadaryamavanīpatimupagato vanīpakaloka iva niṣphala eva nivartate | katicana niketanāni ca nūtanālikhitenāhinakulenāśramamahiṣeṇa govyāghreṇa ca bhittiṣu
nirvairasattvānyanukurvanti catvarāṇi tapodhanāśramapadasya | (anyato'valokya, sahākam |)
dṛṣṭvākṛṣṭakacāmudastacibukāṃ patyā karābhyāṃ balātkāmapyeṇadṛśaṃ karau vidhuvatīmāsvādyamānādharām
ālekhye puraśilpinā viracitāṃ bhittau bahirmandirānnāryaḥ sasmitanamravaktrakamalāḥ karṣanti yūnāṃ manaḥ
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit