Jivananda 3.22

3.22

jīvaḥ—aho śrutismṛtivihitānāṃ karmaṇāṃ prabhāvaḥ | yāni mayā
samayeṣu samanuṣṭhitāni madīyamāntaḥkaraṇamaśodhayan | śodhite ca tasminbhagavadbhaktirnāma kāpi kalpalatā prathamamaṅkuritā | paścādupacitaparicayā
ca sā mama hṛdayānurañjanī krameṇa bhagavantau parameśvarau sākṣāddarśitavatī
anitarasādhāraṇayā ca tayā prasannau bhagavantau saṃpratyabhilaṣitānarasagandhakādīnprasādīkṛtyārpitavantau | agre'pi tasyā eva mahimnā sakalamapyabhilaṣitaṃ pumarthaṃ lapsyāmahe
buddhiḥ—ajjautta, kiṃ ede rasagandhaā aṇṇaṇivvekkhā saaṃ
jevva vivakkhakkhavaṇaṃ ṇivvahandi | (ka)
rājā—devi, divyauṣadhībhiḥ śodhitāḥ santo vividharasāyanadvārā
uktasāmarthyā hyete
devī—tā evvaṃ saṃvihāṇasamuttheṇa keṇa vi hodavvam | (ka)
rājā—vijñānaśarmaivātra nirvoḍhā | yataḥ
ṛṣireva vijānāti dravyasaṃyogajaṃ guṇam
vijñānaśarmaṇaḥ ko'nyaḥ sarvajñānanidhirṛṣiḥ