Jivananda 3.28
Jīvānanda 3.28
- Language
- Sanskrit
3.28
etadanujñayaiva nirvicāramānasena mayā kṛtaṃ bhagavadārādhanam
mantrī-(upasṛtya |) svasti saphalamanorathābhyāṃ svāmibhyām
jīvaḥ-bhavatsāhāyyamevātra hetuḥ
buddhiḥ-evamappamatteṇa cittavāvāreṇa sahāyattaṇaṃ kuṇanto dīhāū
hoi | (ka)
rājā-atra niṣīdatu bhavān
mantrī-(upaviśya |) nirvighnena kāryasiddharjāteti manorathānāmupari
vartāmahe
rājā-tadeva vaktukāmo'smi
mantrī-avahito'smi
rājā-tvaduktamārgeṇa prathamaṃ padmāsanaṃ baddhvā tathaivopaviṣṭo'ham
śuddhāntaḥkaraṇena saṃtataparidhyātārkakoṭiprabhaprāleyadyutikoṭiśītalaśivārūḍhāṅgagaṅgādharaḥ
sānandāśrukaṇo dṛśoḥ sapulako gātreṣu sapraśrayastutyuktirvadane kṛtāñjalipuṭo mūrdhanyabhūvaṃ ciram
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit