Jivananda 4.14

4.14

rājā—dauvārika, mantrī vidūṣakaśca kṛtocitavyāpāro na veti
vicāryatām | ahamapyatra snātvā kṛtaśivārcano bhojanāya yatiṣye
dauvārikaḥ—taha | (ka) (iti niṣkrāntaḥ |)
rājā—(smṛtimabhinīya |) aye mahānubhāvā śivabhaktiḥ, yasyāḥ
prasādādbhagavantaṃ sāmbaṃ sākṣātkṛtya tadīyakaruṇākaṭākṣāmṛtaniḥṣyandakandalitākhilapumartho'pi sansaṃṃprati prākṛtānarthanivartakānrasagandhakānāsādya tāvataiva kṛtakṛtyaṃmanyo mūḍho'haṃ vismṛtavānasmi tāṃ bhagavatīṃ
śivabhaktim | aho dhik pramādam | nūnaṃ sā bhagavatī māṃ kṛtaghnaṃ
manyeta | (niḥśvasya |)
dṛṣṭvātradarśitanijaprathitaprabhāvā
prahlādabhūmasurabhūruhamūlabhūtā
janmāntarīyatapasāṃ paripākataḥ sā
prāptāpi daivatakena mayā vimuktā