Jivananda 5.14
Jīvānanda 5.14
- Language
- Sanskrit
5.14
ataḥ sarvamasmai nivedayāmi | yadyamapi tasya pāṇḍorviśvāsasthānameveti
(prakāśam |) sakhe, tavāpyakathanīyaṃ nāma kimasti, śrūyatām
vijñānaprahitena rājahatakenāsmannisargādviṣo
yāvatsādhayituṃ rasaṃ kathamapi dhyānasya siddhyā kramāt
svacchandena ca puṇḍarīkanagarīṃ gatvā manodvārataḥ
sāmbasyaiva maheśvarasya dṛḍhayā bhaktyā prasādātsthitam
5.14.p1
tadidamākarṇya mantriṇā pāṇḍunā etasya vighnācaraṇaṃ manasaḥ pāratantryaṃ vinā
nopapadyata iti tadarthaṃ kāmādayaḥ ṣaḍeva prabhavantīti ta eva vayaṃ preṣitāḥ
asmābhiśca tatra sakhisnehavaśādaṅgīkṛtaṃ manasaḥ pāratantryakaraṇam
kuṣṭhaḥ—tatastataḥ
matsaraḥ—tataśca teṣvahameko mandabhāgya imāṃ duravasthāmanubhavāmi
kuṣṭhaḥ—atha kāmasya kāvasthā
matsaraḥ—sakhe, kiṃ kathayāmi mantrihatakasya durbuddhivilasitam
śrutvā pittakaphātmapaṅguyugalaspaṣṭopajāpaṃ tathā
hṛdrogasya vimocanaṃ ca sacivaḥ svārttikakarādvismitaḥ
5.14.p2
ākāśe lakṣyaṃ baddhvā
Linked texts (2)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit