Jivananda 5.19

5.19

kuṣṭhaḥ—dhanyo'si dambha, dhanyo'si | yataḥ sakhyuranṛṇatāṃ
gato'si | atha kathaya kimadhyakṣavasitaṃ madena
matsaraḥ—madastu nigṛhya kārāgāre sthāpitaḥ
kuṣṭhaḥ—tataḥ
matsaraḥ—nirgate ca puṇḍarīkanagarādrājani narBoldkarmaṇyeainamupayokṣyāmaha iti
kuṣṭhaḥ—matsara, evaṃsthite śatrumaṇḍalādeka eva tvaṃ kathaṃ
nirgato'si
matsaraḥ—śṛṇu tāvat | nahi mama svecchayā tato nirgamo jātaḥ
yato rasasiddhyanantaraṃ saṃnaddhe ca sainye imameva matsaramatratyavṛttāntahāriṇaṃ
kariṣyāma iti nigṛhya sthāpito'smi
kuṣṭhaḥ—tarhi sakhe, tavāgamanamidānīṃ tatra rasasiddhiṃ senāsaṃnāhaṃ
ca sūcayati
matsaraḥ—evametat | samanantarameva
rājñaḥ saṃnidhimṛccha bhadra kathaya tvaṃ pāṇḍumāviṣkuru
svāmiprītimupehi mantrakalanākauśalamapyaślatham
mā glāsīriti māstu bhītiriti māmuktvā camūnāyakānnāmagrāhamapi pradarśya nagarānniḥsārito'haṃ śanaiḥ