Pramāṇa · Search · About · API

Jivananda 5.22-2

Jīvānanda 5.22-2

Language
Sanskrit

5.22-2

pāṇḍuḥ—maivaṃ vādīḥ | parasya mantraśaktiḥ svasya mantraśaktyaiva pratihantavyā | yathā khalu śāstravida ācakṣate | yo yādṛśena sādhanena
praharati sa tādṛśasādhanenaiva pratihantavya iti | ato mantrakṛtaṃ saṃvidhānamupāyāntarābhāve śauryeṇa pratikriyatāmityantimamida़maupayikam
ahamidānīṃ taducitaṃ pratīkāramālocayāmi
kuṣṭhaḥ—ālocayatu bhavān
ākarṇayiṣyati yadā vṛttāntamimaṃ sa matsaramukhena
dīpitaroṣo hṛdaye devo'pi samāgamiṣyati tadaiva

5.22-2.p1

tasya purastādasmadāyattamupāyaṃ saphalīkariṣyāmaḥ
pāṇḍuḥ—astvevam | bhavānavahitastiṣṭhatu
kuṣṭhaḥ—tathā | (iti niṣkrāntaḥ |)
pāṇḍuḥ—kaḥ ko'tra bhoḥ

5.22-2.p2

praviśya

5.22-2.p3

galagaṇḍaḥ—ājñāpaya karaṇīyam
pāṇḍuḥ—bhadra, apathyatāṃ praveśaya
galagaṇḍaḥ—(niṣkramya punastayā saha praviśya |) ārya, kaṭakasīmani
devaḥ prāpta iti vallabhapālo vijñāpayati
pāṇḍuḥ—(apathyatāṃ prati | apavārya |) aye, tvaṃ kvacinmahati
rājakārye niyojayitavyāsi
apathyatā—avahidamhi | (ka)
pāṇḍuḥ—jīvaṃ praviśya tamapathyeṣvāhāravihārādiṣu niyojaya
apathyatā—taha | (iti niṣkrāntā |)
pāṇḍuḥ—(puro'valokya |) aye, devaḥ prāptaḥ | galagaṇḍa,
gacchāgrataḥ

5.22-2.p4

tataḥ praviśati rājayakṣmā matsaraśca

Linked texts (2)