Jivananda 5.26
Jīvānanda 5.26
- Language
- Sanskrit
5.26
pāṇḍuḥ—(praṇamya |) rājan, kathametat
tanvanpunaḥ punarapi bhrukuṭiṃ lalāṭe
niḥsīmaniḥśvasitamuccalitādharoṣṭham
devasya śaṃsati mukhāmbujamantaraṅge
rūḍhāṃ ruṣā ripujane sahasaiva cintām
5.26.p1
rājā—pāṇḍo, vijane prāsāde samupaviśya sarvaṃ bodhayiṣyāmi
pāṇḍuḥ—galagaṇḍa, prāsādamārgamādeśaya
galagaṇḍaḥ—ita ito devaḥ
pāṇḍuḥ—(vilokya |) rājan, āruhyatāmayam
śrīkaṇṭhakṣitidharaśṛṅgabhaṅgadāyī prāsādaḥ śikharavirājihemakumbhaḥ
sopānaiḥ sphaṭikamayaiḥ sukhena gamyo ramyo'yaṃ bhavati kalasvanaiḥ kapotaiḥ 27
5.26.p2
sarve prāsādārohaṇaṃ nāṭayitvopaviśanti
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit