Jivananda 5.4
Jīvānanda 5.4
- Language
- Sanskrit
5.4
samantādāloke saviturupagacchatyupaśamaṃ
gurordiṣṭyā labdhe mahata iva sevāparicaye
tamaḥ sarvāmurvīṃ sthagayati khalānābhiva matiṃ
tadasyāmatyarthaṃ na bhavati vivekaḥ sadasatoḥ
5.4.p1
tathāpi paśyato mama dvāvapi puruṣau gṛhyete | (katicitpadāni gatvā nipuṇaṃ
nirūpya |) hanta, sakiṃkaraḥ kuṣṭho'yamāgacchati | svajanenāpyanenāhamito
dānīṃ saṃbhāṣaṇāya jihvemi | tadasya darśanaṃ pariharaṇīyam | mārgo'pi
na dṛśyate nilīya gantum | bhavatvatraiva sthāṇutāmavalambya tiṣṭhāmi
gate caitasmiṃstvaritapadaṃ vrajeyam | (iti tathā sthitaḥ |)
5.4.p2
tataḥ praviśati kiṃkareṇānugamyamānaḥ kuṣṭhaḥ
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit