Jivananda 6.17
Jīvānanda 6.17
- Language
- Sanskrit
6.17
karma—bhagavan, itthaṃ jñānaśarmaṇopajaptasyāpi jīvasya rājñaḥ kathamadhunā ripuvadhe pravṛttiḥ
kālaḥ—śrūyatām | itthaṃ jñānaśarmā rājño rahasyupajāpaṃ kurvantenāsaṃniveśādāgatasya vijñānaśarmaṇo vacanamākarṇya na naḥ paramiha sthātavyamiti rājānamāmantrya jagāma
karma—tatastataḥ
kālaḥ—tataśca niṣkrānte jñānaśarmaṇi praviśya vijñānaśarmā
rājānamālokya aye, kimayamapūrva iva rājā purādiṣu parityaktābhimāna
iva dṛśyate | tadbahudhā jñānaśarmaṇopajāpitaḥ syāt | bhavatu | sarvamidaṃ
svayameva vyaktībhaviṣyati | (iti rājasamīpaṃ gataḥ |)
karma—tatastataḥ
kālaḥ—rājā ca tamālokya sāvahitthastamanusaranniva sādaramapṛcchat | 'mantrin, kathaya kīdṛśaḥ puravṛttāntaḥ paravṛttāntaśca' iti
karma-tatastataḥ
kālaḥiti rājñā samājñapto nayajño mantriśekharaḥ
pratyuttaraṃ tadādatta prajñāvajñātavākpatiḥ
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit