Jivananda 6.35
Jīvānanda 6.35
- Language
- Sanskrit
6.35
annānyeva nirantaraṃ vivṛṇutāṃ sarvāṇi sasyāni bhūrvāri prāvṛṣi ko'pi varṣatu dadhikṣīrātmakaṃ vāridaḥ
sarvo'yaṃ lavaṇāmburāśirapi ceddugdhāmbudhirjāyatāṃ
bhuñjānasya tathāpi hanta pibato na kṣutpipāsāśamaḥ
6.35.p1
tadatiśayena saṃpādanīyo mama pānabhojanavidhiridānīm
vidūṣakaḥ- (saharṣam |) ajja evva edaṃ karaṇijjaṃ | jeṇa ahaṃ
vi edassi kajje tua sahāattaṇe dakkho homi | jammeṇa tu viṇṇāṇeṇa bhavaṃ midabhoaṇe savvadā sikkhīadi, teṇa viṇṇatto vi tumaṃ
tassa vaaṇaṃ mā karehi | (ka)
rājā-sādhu sakhe, sādhu | samyagupadiṣṭam | tathā kariṣye
kālaḥ-vatsa, śrutaṃ bhavatā
karma-śrutameva | eṣa pāṇḍunā prahitāmapathyatājananīṃ svasya bahu
bubhukṣāṃ na jānāti | vidūṣako'pyajānannevaṃ bhāṣate
rājā-kaḥ ko'tra bhoḥ
vidūṣakaḥ-sikkhido vi mae kiṃ tumaṃ paḍiūlakāriṇo amaccassa āāraṇatthaṃ doāriaṃ āmantesi | (kha)
rājā-vayasya, mā bibhihi | tava matamevānusarāmi
vidūṣakaḥ-jai evvaṃ thirappadiṇṇo hohi | edassa avimharaṇatthaṃ
vasaṇante mae baddho gaṇṭhī | ahaṃ jevva taṃ āṇemi | (ga)
6.35.p2
iti niṣkramyāmātyena saha praviśati
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit