Jivananda 6.36

6.36

amātyaḥ—sati dauvārike rājñā kimarthaṃ tvaṃ prahitaḥ
vidūṣakaḥ—ettha kajje ahaṃ jevva dovārio | (ka)
amātyaḥ—kīdṛśe kārye
kālaḥ—karman, mantriṇāpi na vijñātā aupādhikī rājño
bubhukṣā
karma—bāḍham
vidūṣakaḥ—amacca, raṇṇo dāṇiṃ bahubhakkhaṇanāmahee uvaṭṭhide
kajje | (kha)
mantrī—kīdṛśī bahubhakṣaṇatā
vidūṣakaḥ—kimaṇṇaṃ | bubhukkhido vagdho via savvapakidīṇaṃ
amhāṇaṃ jīvaṇaṃ bhakkhidukāmo rāā | mā khu ṇaṃ ṇivārehi jaṃ palaakālakuvido ruddo via ciṭṭhadi | (ga)
mantrī—(vihasya | svagatam |) rājñaḥ pānabhojanasaṃpādane svasyāpi
tadbhaviṣyatītyetasya hṛdayam | (prakāśam |) gacchāgrataḥ | ahamapyāgamiṣyāmi | (ākāśe dattadṛṣṭiḥ |) kiṃ nvetatsyāt
kāryānvavekṣaṇavidhau sadasi sthitena
yena kṣamājani ciraṃ sahituṃ bubhukṣā
bhuktvā ca yasya kiyadapyaśanaṃ nitāntaṃ
tṛptirbhavetsa kathamīdṛśabuddhimeti