Jivananda 6.51

6.51

mantrī-ayameva vṛddhiśoṣahetuḥ parikhāṇām | enamupajīvyotkupyanti śuṣyanti ca sarvataḥ parikhāḥ
vidūṣakaḥ-kiṃ mūḍho via pekkhasi| karehi edāṇaṃ pariāraṃ|(kha)
mantrī-adṛṣṭvā kimevaṃ pralapasi
vidūṣakaḥ—(uṣṭragrīvikayā vilokya |) acchariaṃ acchariaṃ | ettha
sattāsatti vahṇai | vaḍḍhantesu sattusu ede vīrā roaulaṃ paharandi | (ka)
mantrī—tatra śleṣmaprabhṛtīnaraktaputrāṃścandraprabhā praharati
vidūṣakaḥ—kathaṃ itthiā vi sūrāadi | (kha)
mantrī—raktaputrāṇāṃ visarpaplīhaprabhṛtīnāmamṛtaguggulu ca (tṛ)ṇapañcakādayaḥ prahartāraḥ | tathā māṃsaputrāṇāṃ śākhoṭakatailaprabhṛtayaḥ
medasaḥ putrāṇāṃ kaphakesariprabhṛtayaḥ
kālaḥ—karman, evaṃ vātapittakapheṣu vāta eko rasaraktamāṃsādidhātūnāṃ śoṣakaḥ poṣakaśca
karma—evamevaitat | dhātūnāṃ prakope dhātukārśye ca bhiṣajo vadanti
'kaṭukādayo māṃsavṛddhihetavaḥ' iti
'kaṭukādvardhate māṃsaṃ kaṣāyācchoṇito rasaḥ
lavaṇādvardhate hyasthi majjā tvamlātpravardhate
madhurādvardhate śukraṃ tiktānmedaḥ pravardhate ||'
vidūṣakaḥ—(parivṛtyāvalokitakena |) ajja edaṃ hodu jujjhadaṃsaṇam | pekkhadu bhavaṃ puraṭṭhidaṃ acchariaṃ | (ga)
rājā—ārya, kimetatpaśyasi
mantrī—(vihasya |) paśyāmyetat
etatpaṅgudvitayamanilaścārayatyāśayeṣu
triṣvaśrāntaṃ jaraṭhagaṇikā kācideṣā purastāt
ājānvagrapravitatakucā lobhayantī prasūte
hantānārthāṅkuramanugatā sarvadā dehabhājām