Jivananda 6.56

6.56

vidūṣakaḥ-aṇṇaṃ kim | diḍhaṃ kkhu ṇigihīdo si tumaṃ edāe
apatthadāpisāciāe | ahaṃ uṇa chavvedo bahmaṇo homi tti sajjaseṇa
imāe visajjido mhi | (ka)
mantrī-(vihasya |) ṣaḍvedā ityanayā saṃkhyayaiva sūcitaṃ vedavijñānam
rājā-kiṃ vismṛtaṃ tvayā yatprāgeva mama manīṣitārthaṃ vidūṣakeṇa
bodhito'si
mantrī-(svagatam |) aho truṭitasaṃghaṭitāyā dāsyā vilasitaṃ
yadiyantaṃ kālaṃ vismṛtāpi bubhukṣā smṛtā satī rājño hṛdayamākulayati
(prakāśam |) tadapyagre bhaviṣyati | devena tu etadvairiprayuktamiti niścitya
tadvaśe na bhavitavyamiti bahuśaḥ prārthaye
rājā-(sabahumānam |) tathyaṃ pathyaṃ cāha bhavān | tadahamavahito'smi
vidūṣakaḥ-ko eso vijjupuñjo via dhagadhagāamāṇo savvado
vi maha acchī āuledi | (ka)
mantrī-parivāraparivṛto jvararāja eṣaḥ | yamenamuparudhya sarve'pi
rogāḥ praharanti | ata evāyaṃ rājapadabhāgiti bhiṣagvyavahāraḥ
karma-yuktamāha mantrī | tathāhi
jvaro rogapatiḥ pāpmā mṛtyurojośano'ntakaḥ
krodho dakṣādhvaradhvaṃsī rudrordhvanayanodbhavaḥ