Jivananda 6.96
Jīvānanda 6.96
- Language
- Sanskrit
6.96
(ka)
yakṣmā—
gaṇḍadvaye'pi galitairnayanāmbupūrairāmṛṣṭapatralatamākulakeśapāśam
pāṇidvayaprahatapāṭalabāhumadhyamasyā vapurmama śucaṃ dviguṇīkaroti
6.96.p1
matsaraḥ-rājan, dhairyamavalambyatām | kṛtaṃ śokena | saṃprati hi
katipaye devapādamūlopajīvinaḥ sainyāḥ kenāpi durapaneyapravṛttayaḥ
yakṣmā-tataḥ kim
matsaraḥ-tataśca tatprayogeṇa kuṇṭhitaśaktirbhaviṣyati vijñānamantrihatakaḥ | tathā ca vairaniryātanaṃ kartumucitamiti pratibhāti
yakṣmā-(savimarśam |) avandhyo'yaṃ prayatnaḥ | tadarthameva śatrūnmūlanāya gacchāmaḥ | (iti viṣūcīmatsarābhyāṃ saha niṣkrāntaḥ |)
mantrī-matsareṇa karṇe'ssajjayārtha kimapyupadiṣṭo yakṣmā niṣkrāntaḥ
taddvayamapi tadiṅgitānumitaṃ paryālocya tatpratividhānāya vyāpriyamāṇā
iṣṭaṃ sādhayāmaḥ
6.96.p2
iti niṣkrāntāḥ sarve
6.96.p3
iti ṣaṣṭho'ṅkaḥ
saptamo'ṅkaḥ
6.96.p4
tataḥ praviśati jīvarājo vijñānamantrī ca
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit