Jivananda 7.11
Jīvānanda 7.11
- Language
- Sanskrit
7.11
api ca
maulinyastāñjalīnāṃ daramukulitahagbhirdṛḍhānandabāṣpaklidyadgaṇḍasthalānā maviralapulakālaṃkṛtasvākṛtīnām
vedāntaprāyabhūristutimukharamukhāmbhojabhājāmṛṣīṇāṃ
paṅktyā pāścātyabhāgo jhaṭiti nibiḍito dṛśyatāmasya śaṃbhoḥ 10
rājā-mantrin, itaḥ paraṃ praṇipātādinā bhagavantaṃ prasādya svāmīṣṭamarthaṃ prārthayiṣye
mantrī-anitarasādhāraṇametasya bhaktābhīpsitapradānacāturyam | yaḥ
prasāditavate pārthāya pāśupatamastraṃ pratipāditavān | yena ca nikhilakṣatriyakulajighṛkṣave bhārgavāya prasādīkṛtaḥ paraśuḥ
rājā-upapannamidam | evamaparimitāni mahāntyāścaryacaritāni
daivasya | yacca kapilabhasmīkṛtaprapitāmahasaṃghasamuttāraṇakṛtaprayatnabhagīrathaprasāditāyāḥ surāpagāyā bhuvamuttarantyā garvabhañjanaṃ nāma mṛtyuñjayasya
caritaṃ tadapi paramādbhutameva
mantrī-jagatprasiddhamevedam | tathāhivegākṛṣṭoḍucakrānukaraṇanipuṇaśvetaḍiṇḍīrakhaṇḍaśliṣṭorminirmitorvīvalayavilayanāśaṅkasātaṅkadevā
vibhramyākāśagaṅgā vidhibhuvanabhuvaḥ sarvadurvāragarvā
nirviṇṇā dhūrjaṭīyodghaṭaghaṭitajaṭājūṭagarbhe nililye
Linked texts (3)
- Śrīkaṇṭhacarita — Maṅkha, Sanskrit
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit