Pramāṇa · Search · About · API

Jivanandanataka (Anandaramamakhin) 4.1

Jīvānandanāṭaka (Ānandarāmamakhin) 4.1

Language
Sanskrit

4.1

vidūṣakaḥ—uttaṃ khu doārieṇa pāṇeṇa raṇṇo rasagandhaavarappadāṇaṃ suṇia baliaṃ rosavasaṃgadeṇa jakkhahadeṇa paṇḍuṇā saha kiṃpi mantūṇa saparivārassa amhāṇaṃ raṇṇo uvari vaikkamaṃ kiṃpi kāduṃ ujjoo karīaditti sudavandeṇa viṇṇāṇaṇāmaheeṇa mantiṇā kajjagadiṃ āvediamāṇo anteuravediantare ciṭṭhaditti | tā rāasamīpaṃ gamissam | (iti parikramyodaraṃ karatalena parāmṛśya |)
aho, muhuttādo puvvaṃ khādidaṃ mātuluṅgaphalappamāṇaṃ modaāṇaṃ sadaṃ vi jiṇṇaṃ
jādam | jaṃ tasmi samae dhaṇṇakumbhīpīṇuttuṅgo maha picaṇḍo ṭhido | dāṇiṃ uṇa
tiṇṇakido kaṭo via taṇūhodi | (vimṛśya |) ṇaṃ majjaṇaṇo vahnidi | taha hi
pattagadaṃ varahariṇo tihāe pivai sīalaṃ salilam
gandheṇa kuṇai suhidaṃ vāṇaṃ tridamisrasakkarāpūvo

4.1.p1

aho pamādo | rāasamīvaṃ gamissaṃ ti mahāṇasasamīvaṃ gado hmi | ado
evva taha vattulataṇuaragodhūmāpūvasaṃhitasarāvohiṃ māhisadahimaṇḍamissidamāsavariṅgaabhagavavisemaṃṇiviḍiabhāaṇehiṃ paritattambarisabhajjidacaṇaaapūripiṇḍaehiṃ phāṇiasaṃkaliajavadhāṇāsamullasidavisālāmattehiṃ duddhadahisakkarāsammiliabhāvidvavivihapithuarāsisaṃpuṇṇavisaṅkaḍacasaavisesehiṃ mahillamuulapuñjadhavalasālitaṇḍulannasamucca avirājidastambhamaabhaṇḍagaṇabbhantaraṭṭhāvidvasuvaṇṇasavaṇṇamūpaṇihāṇapiṭṭharehiṃ kittaparivakvantākakāraillapaḍolakosātaīṇippāvarāamāsakadalīpa ṇasakubbhaṇḍappamuhasalāṭukhaṇḍamayaśākapaṇḍamaṇḍidabahuvidhabhāaṇavisesehiṃ a parisohamāṇassa mahāṇasassa visamaro
gandho | ghumaghumāadi me ṇāsābilam | silasilāadi tālurasaṇāmūle
suṇiggattaraṃ lālājalam | pajjaladviva haṇūmantavālaggalaggaggisihāgahidagharaparamparaṃ laṅkāuraṃ via bubhukkhāuraṃ me udaram | (kiṃcitpurato vilokya |)
iha khu mahāṇasaduvāradese avaṇadapuvvakāo viloīadi culhipāvaapajjalaṇatthaphukkārapavaṇavikkiṇṇabhasitaleśapuñjadhūsaramukho ṇiḍiladīsantaviralasedambukaṇio karaṅgulīlaggahiṅguparimalasaṃtappidasamīvagadajaṇaghāṇendio īsasaṃkamideṅgālalañchidparidhāṇapaḍo dakkhiṇakaraggahīdadavvīsiharataṇutaradīsantavilo liasāapāavappho aṇṇakaralambitendhaṇasaalo bhaddamuho ṇāma
paurogavo | tā eṇaṃ evva pucchāmi | ae bhaddamuha, tue pakkesu bhakkhavisesesu kiṃ vi kiṃ vi maha hatthe dādavvaṃ jaṃ bhakkhia edaṃ suṭu edaṃ ṇetti
viāria kahemiṃ jaṃ suṭhu taṃ parivesia raṇṇo hatthādo pāridosiaṃ gehvadu bhavam | (sāmarṣam |) kahaṃ eso dāsīeputto 'jai tuha bubhukkhā tado
raṇṇo samīpaṃ gadua bhoaṇaṃ dādavvaṃ ti puccha | ahaṃ udaraṃbhariṇo tuha
kiṃ vi ṇa dāissaṃ' ti bhaṇia mahāṇasabbhantaraṃ gado | hodu | rāasamīpaṃ
gamissam | (iti parikramyāvalokya ca |) kahaṃ ettha rāasamīve viaṇe alagaddeṇa gilhia bilaṃ pavesido maṇḍūo via kiṃ vi aṇakkharaṃ palavanto
amacco vedhaveo (?) ciṭṭhai | tā samaaṃ paḍivālissam | (iti tiṣṭhati |) (ka)

4.1.p2

tataḥ praviśati rājā mantrī ca

Linked texts (3)