Vidyaparinayanataka (Anandaramamakhin) 4.10
Vidyāpariṇayanāṭaka (Ānandarāmamakhin) 4.10
- Language
- Sanskrit
4.10
rājā—(vāmapārśvataḥ karṇaṃ dattvā |) aye cittaśarman, atra keṣāmapi
parasparālāpa iva śrūyate
cittaśarmā—(smaraṇamabhinīya | kiṃcidivopasṛtya | janāntikam |) vayasya,
'devyā hitānveṣibhirmohādibhiradharmārge bhavatpralobhanāya lokāyatikādipāṣaṇḍasiddhāntāḥ saṃniveśitāḥ' iti vastuvicāreṇa saṃpratyeva me kathitam | prāyasta ete bhaveyuḥ | (puro vilokya |) sa eṣa
asārametajjagadityavetya tṛṇādivatpaśyati dṛśyajālam
antaścirānandarasānubhūtimaṅgaiḥ samudyatpulakairvyanakti
4.10.p1
tataḥ praviśati vastuvicāraḥ
4.10.p2
vastuvicāraḥ—ādiṣṭo'smi tatrabhavatyā śivabhaktyā—'vatsa vastuvicāra, saṃprati jīvarājo vedāraṇyaṃ pravivikṣuriti śrūyate | tadenamapathānnivartya sataiva pathā samānetumasya parisaro'dhigantavyaḥ' iti | (puro vilokya |)
sa eṣa jīvarājaḥ | yāvadenamupasarpāmi | (upasarpati |)
4.10.p3
rājā cittaśarmaṇā saha praṇamati
4.10.p4
vastuvicāraḥ—siddhasaṃkalpau bhūyāstām
avidyā—(saviṣādam | svagatam |) hanta, viphalo me manorathaḥ pāṣaṇḍeṣu
4.10.p5
tataḥ praviśanti pāṣaṇḍasiddhāntāḥ
Linked texts (1)
- Vidyāpariṇaya (Ānandarāya) — Ānandarāya 1755, Sanskrit