Pramāṇa · Search · About · API

Vidyaparinayanataka (Anandaramamakhin) 4.9

Vidyāpariṇayanāṭaka (Ānandarāmamakhin) 4.9

Language
Sanskrit

4.9

rājā—(smaraṇamabhinīya |) hanta, mayā nijakāryanirvartanaikacetasā mahadanucitaṃ kṛtam | yadeṣa vayasyo bubhukṣitavyāghrīparisaramabhivardhito hariṇaśāva iva nitāntaparikuṃpitāyā devyāḥ savidhamārdrāparādho gamitaḥ | tatra
kati kati paribhavānanubhūya kathamiva parikhidyate vā na jānāmi
(tataḥ praviśati cittaśarmā |) .
cittaśarmā—hanta, vayasyo'yamatimātravidyāvirahatāpena paribhūyate
tathāhi
vīkṣānirviṣayā nikāmamalasaprānte ca kānte dṛśau
śaśvatkiṃca mitairvṛtaḥ parijanairekāntamāsevate
nāsthā vastuṣu vallabheṣu manaso niṣṭhā na kutrāpi vā
tejomātrasasāramūrtiradhunā jāgarti jīvo vibhuḥ

4.9.p1

yāvadenamupasarpāmi | (upasṛtya |) vijayatāṃ devaḥ
rājā—(dṛṣṭvā saparitoṣam |) vayasya, prasanna iva lakṣyase | kimasti
kaścidviśeṣaḥ
cittaśarmā—atha kim
rājā—kathamiva
(cittaśarmā kiṃcidivopasarpannidamityamitidṛttamakhilamarthamānupūyryā kathayati |)
rājā—vayasya, kimatra devī saṃnidadhīta
cittaśarmā—saha parivārairupagataiva

4.9.p2

tataḥ praviśati viṣayavāsanayā pravṛttyā ca sahāvidyā

4.9.p3

avidyā—(sanirvedam |) sakhi viṣayavāsane, bahuprakāramanusṛto'pi
devaḥ sarvathā na yathāpuramasmāsu prasīdati | kartavyastu samudācāraḥ | (iti
katicitpadāni gatvā puro'valokya |) kathamatraiva cittaśarmaṇā viviktamadhyāste
devaḥ | yāvadenamupasarpāmi | (upasṛtya |) vijayatāṃ devaḥ
rājā—ita āsyatām | (ityāsanaṃ nirdiśati |)
cittaśarmā—devi, diṣṭyā vardhase
viṣayavāsanā—vardhatāṃ mahārājaḥ

4.9.p4

rājā cittaśarmāṇaṃ saṃjñāpayati

4.9.p5

cittaśarmā—deva, bhavatā saha vedāraṇyavihārāya balavadutkaṇṭhitā
devī | tatkuto vilambase
rājā—yadabhilaṣitaṃ devyai

4.9.p6

iti sarve uttiṣṭhanti

4.9.p7

devī—(svagatam |) kā gatiḥ
rājā—kaḥ ko'tra bhoḥ

4.9.p8

praviśya

4.9.p9

dauvārikaḥ—ahamasmi
rājā—saṃkalpa, vedāraṇyamārgamādeśaya
saṃkalpaḥ—ita ito devaḥ

4.9.p10

sarve vedāraṇyagamanaṃ nāṭayanti

Linked texts (1)