Vidyaparinayanataka (Anandaramamakhin) 5.40

Vidyāpariṇayanāṭaka (Ānandarāmamakhin) 5.40

Language: Sanskrit

5.40

rājā—(sabhrūbhaṅgam |) kimaye cittaśarman, vidyāmadhukṛtaṃ mamonmādamiyadatibhūmiṃ gatamupekṣitavānasi | ataḥ kilaivamakāṇḍe durmanāyate devī
cittaśarmā—yadartho'yamārambhaḥ | athavā
mohasya kila saṃvegaḥ kenāpi na nivāryate
ko'nurundhīta vā vegaṃ nīcapravaṇapāthasām

5.40.p1

rājā—(svagatam |) samyaganuśāsito'smi kāmādipravaṇo'haṃ ‘nīcapravaṇa’
iti vayasyasya saṃbodhanena
avidyā—alamalamamībhirasāropacāraiḥ | (iti sakopaṃ saparivārā niṣkrāmati |)
upāsanā—hanta, balavatā viṣayāntareṇa viphalīkṛto naḥ saṃrambhaḥ

5.40.p2

iti samandākṣaṃ tirodhatte

5.40.p3

sahaiva tābhirvidyāpi

5.40.p4

rājā—sakhe cittaśarman, bhavatu | yathākathaṃcidakhilamapi samaye kathamapi samādhīyate | durlabhaṃ tu labdhameva | taditaḥ paramavilambitameva kāryasiddhau vyāpartavyamasmābhiḥ

5.40.p5

iti niṣkrāntāḥ sarve

5.40.p6

iti pañcamo'ṅkaḥ
ṣaṣṭho'ṅkaḥ

5.40.p7

tataḥ praviśati cittaśarmā

Linked texts (1)

Vidyāpariṇaya (Ānandarāya) — Ānandarāya 1755, Sanskrit