Vidyaparinayanataka (Anandaramamakhin) 6.15

Vidyāpariṇayanāṭaka (Ānandarāmamakhin) 6.15

Language: Sanskrit

6.15

cittaśarmā—kiṃ bahunā | vaiṣayikaparipoṣaṇaikarato vātsyāyanatantrasiddhānto'pi tadīyapariṇativairasyopanamadatijugupsāhitanirvedātiśayaphalitaparamārthasukhasvarūpajijñāsāmukhena vidyāśeṣatayaivādhyavasīyate
rājā—(puro'valokya |)
gāḍhodbaddhajaṭāsanīḍanibiḍavyānaṅganīḍodarakrīḍannīḍajakākalīkalakalāṭopairavikṣepiṇaḥ
deve kvāpi niviṣṭatuṣṭamanasaḥ śiṣṭā ime tāpasāḥ
saṃghībhūya samāpatanti ka ime dharmā viśuddhā iva

6.15.p1

aye vimṛśyatām—'ime ke' iti
saṃkalpaḥ—deva, saṃnihitamiha bhavantamavakarṇya puṇyābhirāśīrbhiryojayitukāmā vedāraṇyavāsinastāpasāḥ saṃprāptāḥ
cittaśarmā—(kiṃcidiva rājānamupasṛtya | janāntikam |) vayasya, mukhyādhikāratayā sādhanacatuṣṭayatvenābhimatā vivekādayo mohādibhiranabhūtatayā
bhavadupanayanāya bhagavatyā tāpasaveṣeṇa prahitāḥ
rājā—(saparitoṣam |) vayasya, tarhi vayamabhyu(pyu)pagacchāmaḥ | (ityupagacchati |)

6.15.p2

tataḥ praviśanti vivekādayastāpasāḥ

Linked texts (1)

Vidyāpariṇaya (Ānandarāya) — Ānandarāya 1755, Sanskrit