Dutangada 19
Dūtāṅgada 19
- Language
- Sanskrit
19
tadavataṃsayatu nvatī vilāsagṛham | (iti mandodarī bāṣpa visṛjantī niṣkrāntā |)
rāvaṇaḥ—(vibhīṣaṇaṃ prati |) vatsa vibhīṣaṇa, tavāpi kimapi vaktavyamasti
vibhīṣaṇaḥ—deva laṅkeśvara, vicāraya nayacakṣuṣā
manuṣyau na manuṣyau tau vānarāste na vānarāḥ
vyājena kimapi cchannaṃ deva durdevameva te
19.p1
tadiyaṃ mucyatāṃ rākṣasakulakālarātrirjānakī
rāvaṇaḥ—(saroṣa khaṅgamādāya |) āḥ pāpa pratipakṣapakṣapātin kulāṅgāra
durācāra, eṣa te candrahāsena śiraḥ pātayāmi | (iti saṃrabhate |)
19.p2
vibhīṣaṇaśca sabhayamapasarati
19.p3
mālyavān—(antarāle bhavan |) deva laṅkeśvara, vicāraya nayacakṣuṣā
kimahitamabhihitaṃ kumāravibhīṣaṇena
rāvaṇaḥ—bhoḥ, tvamapīdṛśaḥ saṃpannaḥ
19.p4
mālyavānsabhaya tūṣṇīmāste
19.p5
rāvaṇaḥ—(vibhīṣaṇaṃ prati |) are bāndhavāpasad, parihara me rājadhānīm
tameva ca vanecaramanupraviśya prakāśaya nītinaipuṇyam | na punaḥ kathāśeṣaṃ
kariṣyāmi
vibhīṣaṇaḥ—na bhāvyamanyathā bhavati | (iti vadanniṣkrāntaḥ |)
19.p6
tataḥ praviśati prahastābhidhaḥ pratīhāraḥ
19.p7
prahastaḥ—deva, rāmasya dūto'hamiti bruvāṇaḥ ko'pi śākhāmṛgo
dvāramadhyāste
rāvaṇaḥ—(sāvajñam |) praveśaya tāvat
19.p8
tata' praviśati prahastena sahāṅgadaḥ
Linked texts (4)
- Jīvānanda (Ānandarāya Adhvarin) — Ānandarāya Adhvarin, Sanskrit
- Jīvānandanāṭaka (Ānandarāmamakhin) — Ānandarāmamakhin, Sanskrit
- Dūtāṅgadanāṭaka — Śubhabhaṭṭakavi, Sanskrit
- Jainadharmavarasaṃstavanastotra — Śrībhāvaprabhasūri 1699, Sanskrit