Caitanyacandrodaya 10.1

10.1

puruṣaḥ—priye, gatāgatebhyo'pi saṃvatsarebhyaḥ khalu jagannāthasya guṇḍicotsavaḥ paramaramaṇīyo dṛṣṭaḥ
strī—kathaṃvia| (ka)
puruṣaḥ—asminnabde tu mūrtimatānandenaiva kanakagirigaureṇa yatīndraveṣadhāriṇā bhaktāvatāreṇa śrīkṛṣṇacaitanyena mahotsavo'yaṃ surasatvena paramaramaṇīyo vihitaḥ
strī—haddhī haddhī, ahaṃ kadhaṃ saṅgeṇa ṇīdā| mae daṭṭhuṃ ṇa pāridaṃ| (kha)
puruṣaḥ—priye, āgāminyabde darśanīyo bhavatyā
strī—āāmiṇi abde jai evaṃ hoi| (ga)
puruṣaḥ—itaḥ prabhṛti tenātraiva sthātavyam
strī—ettha ko ṇiamo| (gha)
puruṣaḥ—jānāmi tattvam
strī—kadhaṃ jāṇīdaṃ| (ṅa)
puruṣaḥ—parasparaṃ kathayatāṃ tajjanānāṃ tajjñānāñcitacaritravidāṃ
kathayaiva
strī—kerisī sā kahā | (ka)
puruṣaḥ—priye, śrūyatām | asya trividha eva lokānugrahaprakāraḥ
strī—kerisotpiṣṇaviho | (kha)
puruṣaḥ—ekaḥ sākṣātkārī, dvitīyaḥ parahṛdayapraveśalakṣaṇaḥ, tṛtīyaścintanamātrāvirbhāvarūpaḥ
strī—viveia kahehi | (ga)
puruṣaḥ—ye khalu puruṣottamakṣetrāgamanasamarthāsteṣāṃ sākṣātkārī | tathā
hi pratisaṃvatsaraṃ sarahaṃso nānādeśataḥ sarve jagannāthadarśanato'pi taddarśanabaddhotkaṇṭhā adṛṣṭapūrvā aśrutapūrvāḥ paraḥsahasrāḥ prāṇina upatiṣṭhanti
strī—tado tado | (gha)
puruṣaḥ—tatasteṣu gauḍīyāḥ priyā gauḍīyānāṃ madhye ye'tipriyāḥ
śataśo dṛṣṭavantaste'pi śubhādṛṣṭavanto yathāmī
narahariraghunandanapradhānāḥ katicana khaṇḍabhuvo'pyakhaṇḍabhāgyāḥ
prathamamimamadṛṣṭavanta ete pratiśaradaṃ puruṣottamaṃ labhante