Caitanyacandrodaya 10.16
Caitanyacandrodaya 10.16
- Language
- Sanskrit
10.16
evaṃ saptadināni tatra sthitvā punastaṭavartmanaiva calitavān
sa yatra yatropasasāra devo vṛttāntaḥ prāktata eva lokāḥ
tatastato bhūrapi bhūri bhugnā viśiṣya vismāpayate phaṇīndram
10.16.p1
śrutaṃ ca gauḍeśvarasya rājadhānyāḥ pāregaṅgaṃ calato bhagavataḥ paścādubhayoḥ
pārśvayoścalantīṃ lokaghaṭāmālokya gauḍeśvaro gaṅgātaṭaghaṭamānopakārikāmārūḍho
vismitaḥ kimidamiti yadā pṛṣṭavāṃstadā keśavavasunāmnā tadamātyena kathitam—'śūratrāṇa, śrīkṛṣṇacaitanyo nāma ko'pi mahāpuruṣaḥ puruṣottamānmathurāṃ
prayāti taddidṛkṣayā amī lokāḥ saṃcaranti' iti | tatastenāpyuktam—'ayamīśvaro bhavati yasyaivaṃvidhaṃ lokākarṣaṇam' iti | ataḥ paraṃ ca śrutam | tataḥ
kiyaddūraṃ gatvā punaḥ pratyāvṛtto na tena pathā mathurāṃ gamiṣyati api tu
puruṣottamamāgatya vanapathenaiveti na jānīmaḥ satyamasatyaṃ vadati
10.16.p2
nepathye