Caitanyacandrodaya 10.7
Caitanyacandrodaya 10.7
- Language
- Sanskrit
10.7
sārvabhaumaḥ—rājan, nirupadhipremṇo hīdṛśaḥ prakāśaḥ
rājā—asmadīyaḥ ko'pi na gataḥ prabhoranupadam
sārvabhaumaḥ—rājan, premṇaivedmucyate kva tasya tvadīyajanāpekṣā
tathāpi tavādhikāraṃ yāvat tava lekhamādāya pūrvameva kaścidgato'sti, kariṣyati ca sa eva sarvasamādhānam
prativasati navīnā vāsamagre vidhāya
pratigṛhamupacārairbhūribhiḥ pūrayitvā
kṛtasuracanamuccaistatra tatrābhiyuktaiḥ
padaviharaṇakhedaṃ dhunvate te viśantaḥ
10.7.p1
bhagavāṃstu rāmānandasya kṛtiriya mityeva jānāti
10.7.p2
praviśya
10.7.p3
dauvārikaḥ—deva, rāmānandādayo dvāramadhitiṣṭhanti
rājā—tvaritamānīyatām
dauvārikaḥ—yathājñāpayati
10.7.p4
iti niṣkramya tānādāya praviśati