Caitanyacandrodaya 10.9

Language: Sanskrit

10.9

puruṣaḥ—jayati devaḥ
rāmānandaḥ—kathayata re, kiyaddūraṃ bhagavanto gatāḥ
puruṣaḥ—kuliyāgrāmaṃ yāvat
rājā—(sārvabhaumamukhaṃ nirīkṣate |)
sārvabhaumaḥ—deva, navadvīpapāre pāregaṅgaṃ kaścana tannāmā grāmo'sti
rājā—āmūlaṃ kathaya
puruṣaḥ—deva, ito devādhikāraṃ yāvattāvattava prabhāvenaiva nirvāhivavartmasaukaryā acaṅkramaṇenaiva sarve gatavantaḥ | gauḍasīmni praveṣṭuṃ trayaḥ panthānaḥ,
dvayaṃ ruddhaṃ ekastu jaladurgaḥ | tamevoddiśya calite sati tatsīmādhikārī turuṣko'ruṣkoṣakāra iva sarveṣāṃ marmahā mahāmadyapo durvṛttacakracūḍāmaṇiḥ | ‘ito
deśādye gacchanti teṣāṃ durgatiḥ kriyate’ iti śrutvā sarveṣāmeva bhayamutpannam
mahāprabhave ko'pi na śrāvayati| asmatsīmādhikāriṇoktam—‘atra kiyānvilambaḥ kriyatāṃ yāvanmayānena saṃdhiḥ saṃdhīyate’ ityetāvatakathanasamakālameva
tasyaiva kaściddasatsīmādhikāriṇaḥ samīpamāgataḥ
rājā—tatastataḥ
puruṣaḥ—āgatya kathitam | yadi tvamanumanyase tadā bhavaddeśādāgacchantaṃ śrīkṛṣṇacaitanyadevamahaṃ vilokaye
rājā—tatastataḥ
puruṣaḥ—tato'ne noktam | tricaturaiścedāyāti tadāyātu nāmeti śrutvā
tathaivāgato bhagavatpādasamīpabhūmau nipatitaściraṃ praṇanāma | tataḥ sarvairūktam—‘bhagavan, asya sāhāyyeneva sukhena gantuṃ śakyate | enaṃ prati kṛpāvalokaḥ kriyatām’ iti tadanurodhena taṃ prati kṛtadṛkpāte bhagavati sa yavanaḥ
pulakāśrugadgadasvaro bhavan grahagrasta iva jātaḥ | tato gopīnāthācāryeṇoktam—‘aye, mahāprabhurayaṃ sukhena kathaṃ calati’
rājā—tatastataḥ
puruṣaḥ—tatastenoktaṃ kiyaddūraṃ bhavadbhirgantavyam | tadanu gopīnāthenoktam—‘gantavyaṃ tāvatpāṇīyahāṭīparyantamidānīm’
rājā—tatastataḥ
puruṣaḥ—tataḥ
praphullaromā galadaśrudhāraḥ sagadgadaṃ kiṃcidasau jagāda
aho madīyaṃ mahadeva bhāgyaṃ devasya sāhāyyavidhau bhaveyam

10.9.p1

iti
sakalasajjananāvi kairvāhyamānā navīnā taraṇirmadhyagṛhaśālinī punaḥ prakṣālitā kṣaṇenādhinadi samānāyitā | anantaraṃ naukāntaraṃ svayamapyāruhya
bhagavanta enāmadhirohantviti nigadite devena saha sarve tāmāruruhuḥ | atha
sa eva jalacaradasyubhayanivāraṇāya svayamagresaro bhūtvā mantreśvaramuttīrya
picchaladāgrāmaparyantamāgatavān | nivṛttisamaye bhagavatā jagannāthaprasādmanoharākhyamodakāḥ prasādīkṛtāḥ | tānavāpya hariṃ vadetyāviṣṭo bhūtvā mahābhāgavatadaśāmāpannaḥ

10.9.p2

rājā vismayaṃ nāṭayati