Caitanyacandrodaya 9.54

Language: Sanskrit

9.54

(paritaḥ sarve ātmagatam |) aho, maṅgalasūtramudritakaro'yaṃ rājā pratāparudraḥ kathamayaṃ gṛhītatapasviveṣo'kasmādupasarpati svāmināmudvego bhāvī
tadavalokayāma kimayaṃ karotīti
rājā—(śanairitastato'valokayansahasaivopesṛtya dolāyamānaṃ bhagavaccaraṇakamalayugaṃ parighadīrghābhyāṃ dorbhyāṃ dṛḍhataramāliṅgati |)
sarve—(ālokya |) aho, mahānayamanarthaḥ | nimīlitanayanakamalena
svānandāveśavivaśena bhagavatāyamalakṣita eva yadvagavaccaraṇau dadhāra tadsya
na vidmaḥ kiṃ bhāvi
bhagavān—(svānandastha eva nimīlitākṣa eva nibhālanenaiva gāḍhaṃ pariṣvajya |)
ko nu rājannindriyavānmukundacaraṇāmbujam
na bhajetsarvatomṛtyurupāsyamamarottamaiḥ

9.54.p1

iti punaḥ punaḥ paṭhati

Linked texts (3)

Bhāgavatapurāṇa — Vyāsa, Sanskrit
Bhagavadbhaktiratnāvalī — Viṣṇupurī 1609, Sanskrit
Bhāgavatabhaktiratnāvalī — Viṣṇupurī, Sanskrit