Manmathavijaya (Venkataraghava) 3.23

Manmathavijaya (Veṅkaṭarāghava) 3.23

Language: Sanskrit

3.23

śambhuḥ—śailādhirāja iha khalu bhavadīye sānuni katipayavatsarāṃstapastaptumāgato'smi tadanujānīhi mām
hima0—anugrahaḥ khalveṣaḥ kevayamanujñātuṃ yuṣmatsadanagamane
paśyatu bhagavān
phalaṃ vā puṣpaṃ vā sarasi śiśiraṃ svādu salilaṃ
kuśānāṃ stambo vā tarugaṇagataṃ valkalamapi
samiddhā patraṃ vā yadapi tapase rocata idaṃ
samastaṃ tadgrāhyaṃ na khalu bhavatāṃ sadmani bhidā

3.23.p1

kiñcānyadapi madīyaṃ vijñāpanaṃ anugṛhṇātu devaḥ
śambhuḥ—kiṃ tat
pā0—( svagatam | ) dāṇiṃ khu devadāhiṃ mahesīhiṃ a aṇugihīdavvā homi
hima0—iyamapi me vatsā tapaścarantaṃ tatrabhavantaṃ śuśrūṣatām
pā0—kiṃ bhaṇissadi me daio
śambhuḥ—( svagatam |) api me tapaso vighno bhavedanayā sundaryā
athavā pratibandhakasatva eva prakāśate tejasvināṃ kāryasiddhiḥ
tadevaṃ bravīmi | ( prakāśam |) svairaṃ śuśrūṣatām
pā0—( saharṣaṃ | svagatam |) dāṇiṃ jeva aṇuūlāo devadāo

3.23.p2

nepathye