Manmathavijaya (Venkataraghava) 5.6
Manmathavijaya (Veṅkaṭarāghava) 5.6
- Language
- Sanskrit
5.6
ito'pi sannidhau puraścarati darpaṇe nirmale
hasanmṛdulasaṃsphuradrucikapolayugmānvitā
iyaṃ kuṭilakuntalā lalitagātrayaṣṭirmuhuḥ
jhaṇatkanakabhūṣaṇā kalitatoṣaṇā pārvatī
5.6.p1
tadadhunā śobhanamālabdhamālambanam
5.6.p2
tataḥ praviśati ākāśayānena citrasenaḥ cāruhāsinī ca
5.6.p3
citrasenaḥ—priye, paśya kathamatraivāgacchati mahendro bṛhaspatiḥ sarve
devā maharṣayaśca tadatraiva rahasi kasmiṃścit sthāne sthitvā vilokayāvaḥ kiṃ pratipadyate manmathaḥ sa śaṅkaraśca
5.6.p4
tataḥ praviśati indraḥ bṛhaspatiḥ sarve devā maharṣayaśca