Manmathavijaya (Venkataraghava) 7.46
Manmathavijaya (Veṅkaṭarāghava) 7.46
- Language
- Sanskrit
7.46
damayantī — (sagadgadam |) bhavatu yathā 'bhilaṣitamāryaputrasya
enāmatra vihāya gantumaṭavīṃ prāṇeśa ! nanvicchasi
svecchaṃ gaccha śivaṃ bhavatvasumatāmāste śaraṇyaśśivaḥ
bhāgyaṃ bhāgyamidammadīyamatulaṃ janmāpi puṣyatphalaṃ
kīrtiste 'pyatidhārmiko 'yamiti sā bhūṣṇuściraṃ bhūtale
7.46.p1
aśrūṇi muñcantī kiñcidiva smayate
7.46.p2
nāyakaḥ — ( svagatam | ) nūnamiyamavasānameva sūcayati virahayya
gamane | tadanugacchatu | ( prakāśam | ) priye, na śṛṇoṣi madvacanaṃ | śiśū vā
vidarbhān prati prahiṇu
damayantī — ( saharṣam | ) āryaputra, anugṛhītā 'smi preṣayāmi sadya
eva vatsau
( nepathye | ) ( sagadgadam | ) amba, kvanu nau visṛjya yāsyasi ?
ubhau — ( niśamya sakhedam | ) hanta ! vatsyoriva svarasaṃyogaḥ, kathamiva
nau dṛṣṭvā visṛjya tāvāśvāsyacāpunarāvṛtti prasthātāsvahe | hanta gahanagahanatāmavagāhate kāladurvilasitaṃ
7.46.p3
praviśya saha śiśubhyām