Nagananda 1.28

1.28

(ba)
athavā kṛtaṃ sandehena | vyaktametenaiva jīmūtavāhanena
bhavitavyam | malayavatīṃ nirūpya | aye ! iyamapi rājaputrī
ubhau vilokya | cirāt khalu yuktakārī vidhiḥ syāt | yadi
yugalakametadanyonyānurūpaṃ ghaṭayet (bha) | upasṛtya nāyakaṃ
nirdiśya | svasti bhavate
nāyakaḥ bhagavan ! jīmūtavāhano'bhivādayate | utthātumicchati
tāpasaḥ | alamalaṃ abhyutthānena (ma) | nanu sarvvasyābhyāyato gururiti bhavānevāsmākaṃ pūjyaḥ| tad yathāsukhaṃ
sthīyatāṃ
nāyikā| ajja ! paṇamāmi (1)
tāpasaḥ| nāyikāṃ nirdiśya | vatse ! anurūpabharttṛgāminī bhūyāḥ| rājaputri ! tvāmāha kulapatiḥ kauśikaḥ
yathā pratikrāmati madhyandina savanavelā | tat tvaritamāgamyatāmiti
malayavatī | jaṃ guru āṇavedi ātmagatam | ekatto guruvayaṇaṃ annato daiadaṃsaṇasuhaṃtti gamaṇāgamaṇādhirūḍhaṃ (ya)
ajjavi maṃ dolaedi hiaaṃ (2)
utthāya niśvasya salajjaṃ sānurāgañca nāyakaṃ paśyantī tāpasasahitā
niṣkrāntā
nāyakaḥ| sotkaṇṭhaṃ niśvasya, nāyikāṃ paśyan
anayā jaghanābhogabharamantharayātayā
anyato'pi vrajantyā me hṛdaye nihitaṃ padam