Nagananda 1.54

1.54

(ca)
nāyakaḥ | mitrāvaso ! paśya paśya, śaratsamayapāṇḍubhiḥ
payodapaṭalaiḥ prāvṛtāḥ prāleyācalaśikharaśriyamuddahantyete
malayasānavaḥ (ka)
mitrā | naivāmī malayasānavaḥ, nāgānāmasthisaṃghātāḥ (ja) khalvamī
nāyakaḥ | sodvegam | kaṣṭam kiṃ nimittamamī saṃghātamṛtyavo jātāḥ (jha)
mitrā | kumāra ! naivāmī saṃghātamṛtyavaḥ, śrūyatāṃ
yathaitat, iha kila svapakṣapavanāpāstasamastasāgaratalapūraṃ
rasātalāduddhṛtya pratidinamekaikaṃ nāgamāhārayati vainateyaḥ (ña)
nāyakaḥ | sodvegam | kaṣṭamatiduṣkaraṃ karoti, tatastataḥ
mitrā | tataḥ sakalanāgavināśyāśaṅkinā vāsukinā
garutmān prārthitaḥ
nāyakaḥ | sādaram | kiṃ māṃ prathamaṃ bhakṣayeti ?
mitrā | nahi nahi
nāyakaḥ | kimanyat ?
mitrā | idamuktam-tvadabhipātasantrāsāt sahasraśaḥ
sravanti bhujaṅgamānāṃ garbhāḥ, śiśavaśca pañcatvamupayānti,
evañca santativicchedo'smākam, tava caivaṃ svārthahāniḥ (ṭa)
tat yadarthamabhipatati bhavān nāgalokaṃ tāniha nāgamekaikamanudinaṃ preṣayāmi
nāyakaḥ | kathaṃ rakṣitā nāgarājena (ṭha) pannagāḥ ?
jihvāsahasradvitayasya madhye
naikāpi sā tasya kimasti jihvā
ekāhirakṣārthamahiṃndipekṣya
datto mayātmāta yayā bravīti