Malatimadhava 1.22
Mālatīmādhava 1.22
- Language
- Sanskrit
1.22
āścaryam
yaddvismayastimitamastamitānyabhāvamānandamandamamṛtaplavanādivāsīt
tatsaṃnidhau tadadhunā hṛdayaṃ madīyamaṅgāracumbitamiva vyathamānamāste
1.22.p1
makarandaḥ- (apavārya |) sakhe mādhava, ita ita utkāṭaṃtapatapati
gharmāṃśuḥ | tadasinlupāne muhūrttamupaviśāvaḥ | (ubhau parikrāmataḥ |)
kalahaṃsaḥ- kahaṃ makarandasahaaro imaṃ evva bāḷūjjāṇaṃ malaṃkaredi māhavo | tā daṃsimi maaṇaveaṇākkhittajaṇamāṇamāḷavī
loaṇasuhāvahaṃ attaṇo se paḍicchandaaṃ | ahavā vissāmasokkhaṃ
dāva aṇuhodu
makarandaḥ—tadasyaiva tāvaducchvasitakusumakesarakaṣāyaśītalāmrodavāsitodyānasya kāñcanapādasyādhastādupaviśāvaḥ
1.22.p2
ubhau tathā kurutaḥ
1.22.p3
makarandaḥ—vayasya mādhava, sakalanagarāṅganāpravartitamahotsavābhirāsakāmadevodyānayātrāpratinivṛttamanyādṛśamiva bhavantamavadhārayāmi
api tvamavatīrṇo'si ratiramaṇabāṇagocaratām
1.22.p4
mādhavaḥ salajjamadhomukhastiṣṭhati