Prasannaraghava 4.48
Prasannarāghava 4.48
- Language
- Sanskrit
4.48
jāmadagnyaḥ—ayi kalyāṇanidhe, āśīruktirapi tvayi punaruktireva | tathāpīdamāśāsmahe
yaśaḥpūraṃ dūraṃ tanu sutanunetrotpalavanītamastandrācaṇḍātapa tapa sahasrāṇi śaradām
iyaṃ cāstāṃ yuṣmaccharaśamitalaṅkeśvaraśiraḥśritotsaṅgā nandatsuranarabhujaṅgā trijagatī
4.48.p1
tadanujānīhi mām| (iti niṣkrāntaḥ |)
rāmaḥ- (lakṣmaṇaṃ prati |) nanu kathaṃ nayanapathamatikrānta eva bhagavān | tadehi | bhṛgukulatilakaviyogakhinnamātmānaṃ bandhujanavilokanena vinodayāvaḥ
4.48.p2
iti niṣkrāntāḥ sarve
4.48.p3
iti caturtho'ṅkaḥ
gaṅgā—hā indumatinandana, hā sakalalokahṛdayānandanacandana, hā
mahākodaṇḍapaṇḍita, hā ākhaṇḍalapriyasakha, hā nijatanayanirviśeṣaprītiparipālitasakalaloka, hā rāmabhadraikajīvita | (iti mūrcchati |)
sarayūḥ—(svagatam |) asyaiva vilasitametat
gaṅgā—hā mahārāja daśaratha | (iti mūrcchitā patati |)
yamunā—(aṃśukāñcalena vījayantī |) bha̍avadi, samassasihi samassasihi | ṇaṃ imehiṃ jeva guṇehiṃ asoaṇijjo so rāā
gaṅgā—(sarayūṃ prati |) sakhi, tavaiva na kevalamayaṃ tāpaḥ, sarvajanasādhāraṇaḥ khalvasau | tadenaṃ rāmabhadracchatracchāyāyāpanodayāmaḥ
sarayūḥ—(niḥśvasya |) bhagavati, na khalvaproṣitasalilasekaḥ kamalakedāraḥ pariśuṣyati
gaṅgā—spaṣṭaṃ tāvatkathaya
4.48.p4
sarayūradharasphuraṇaṃ nāṭayati