Uttararamacarita 2.30
Uttararāmacarita 2.30
- Language
- Sanskrit
2.30
api ca,–
ete te kuhareṣu gadgadanadadgodāvarīvārayo
meghālambitamaulinīlaśikharāḥ kṣoṇībhṛto dakṣiṇāḥ
anyonyapratighātasaṃkulacalatkallolakolāhalairuttālāsta ime gabhīrapayasaḥ puṇyāḥ saritsaṃgamāḥ
2.30.p1
(iti niṣkrāntā sarve
iti dvitīyo'ṅkaḥ
tṛtīyāṅkasya kathāvastu
prastute nṛdehadhṛttamasā-muralānadīsaṃvādātmake viṣkambhake vakṣyamāṇamitivṛttam | rāmo hyagastyāśramāt parāvṛtto daṇḍakāraṇyaṃ saṃprāptastatratyavṛkṣagiryādikamavalokya pūrvavṛttaṃ samanusmaran sītāyā vipralaṃbhaśokena parāmūtaḥ; sa kiṃ kariṣyatīti sāśaṅkāntaḥkaraṇā tatrabhavatī bhāgīrathī vaidehīsamanvitā godāvarīparisare daṇḍakāraṇyasyaikadeśaṃ saṃprāptavatī| bhūtalāvarttinyapi vaidehī na kasyāpi prāṇimātrasya dṛṣṭigocarā'bhavat| sītā viyogaviṣaṇṇaṃ rāmaṃ saṃmūrcchitamavedya dūnahṛdayā sītāpi
sasaṃbhramaṃ tatrāgatya adṛśyasvarūpatayaiva sasvapāṇisaṃsparśaṃ taṃ parāmṛṣṭavatī
so'pi tasyāḥ karasparśana samyagānaditaḥ san sadya eva saṃjñāṃ lebhe
tato nayane conmīlya itastataḥ prasāritadṛṣṭirna kimapi prāṇimātraṃ
tatrālakṣayat | atha ca tīrthāśramakarikalabhagirihariṇakādipūrvaparicitānavalokya pūrvavṛttāntānpratyakṣānivā'nubhavan rāmo hi punaḥ
krodhaparāhṛtaḥ rudan vanadevatayā vāsantyā samyagupālabdhaḥ san punaśca
mūrcchāmāsāditavān| sītā'pyadṛṣṭigocarā satī pūrvavadeva rāmaṃ vakṣasi
lalāṭe ca samaspṛśat | tena ca punarapi rāmaścetanāṃ samāsasāda
tataśca rāmaḥ smāraṃ smāraṃ bahu vilapya samupakrāntamaśvamedhayajñaṃ samāpayiṣyan yathākathamapi puṣpakavimānaṃ samāruhyāyodhyāṃ saṃpratasthe
2.30.p2
tataḥ praviśyati nadīdvayam