Karpuramanjari 2

Karpūramañjarī 2

Language: Śaurasenī Prakrit

2.4 — 3 parts
2.12 — 2 parts
2.14 — 1 part
2.15 — 1 part
2.18 — 2 parts
2.20 — 8 parts
2.21 — 3 parts
2.34 — 4 parts
2.35 — 2 parts

2.2

avi a,—
akaliapariraṃbhavivbhamāiṃ ajaṇiacuṃbaṇaḍaṃvarāī dūraṃ
aghaḍiathaṇatāḍaṇāīṃ ṇiccaṃ ṇamaha anaṃgaraīṇa mohaṇāīṃ

2.3

sthāpakaḥ—
sasihaṃḍamaṃḍaṇāṇaṃ chammuhaṇāsāṇam̐ suraaṇapiāṇaṃ
girisagirim̐dasuāṇaṃ saṃghāḍī vo suhaṃ deu

avi a,īsārosappasāappaṇaisu bahuso saggagaṃgājalehiṃ
āmūlaṃ pūriāe tuhiṇakarakalāruppasippīe rahno
joṇhāmuttāhalillaṃ ṇaamauliṇihittaggahatthehiṃ dohiṃ
agdhaṃ sigdhaṃ va deto jaai girisuāpāapaṃkeruhāṇaṃ

2.4.p1

nāndyante

2.4.p2

2.4.p3

tataḥ praviśati pāripārśvakaḥ

2.5

pāripārśvakaḥ— āṇavedu bhāvo
sthāpakaḥ—(vicintya |) kiṃ uṇa ṇaṭṭapauttā via dīsadha ?
pāripārśvakaḥ—adha iṃ | saṭṭaaṃ ṇaccidavvaṃ
sthāpakaḥ—ko uṇa tassa kaī ?
pāripārśvakaḥ—
bhāva ! kahijjadu eaṃ ko bhaṇṇai raaṇivallahasihaṃḍo
rahuulacūḍāmaṇiṇo mahiṃdavālassa ko a gurū

2.6

sthāpakaḥ--( vicintya |) ae, paṇhottaraṃ khu edaṃ | (prakāśam |)
rāaseharo
pāripārśvakaḥ--so edassa kaī
sthāpakaḥ--kiṃ saṭṭaaṃ ?
pāripārśvakaḥ--(smṛtvā |) kahidaṃ jeva challehi,so saṭṭao tti bhaṇṇai dūraṃ jo ṇāḍiāeṃ aṇuharai
kiṃ uṇa pavesaviṣkaṃbhakāī kevalaṃ ṇa dīsaṃti

2.7

sthāpakaḥ—( vicintya |) tā kiṃ ti sakkaaṃ pariharia pāudabaṃdhe
pautto kaī ?
pāripārśvakaḥ—sakvabhāsācaureṇa teṇa bhaṇidaṃ jeva | jadhā,—
atthavisesā te cittha sahā te cea pariṇamaṃtā vi
uttiviseso kavaṃ bhāsā jā hoi sā hou

2.8

avi a,—
parusā sakkaavaṃdhā pāuavaṃdho vi hoi suumāro
purisamahilāṇaṃ jettiamihaṃtaraṃ tettiamimāṇaṃ

2.9

sthāpakaḥ—tā appā kiṃ ṇa vaṇṇido teṇa ?
pāripārśvakaḥ—suṇadu, vaṇṇido jjeva takkālatta īṇaṃ majjhammi miaṃkalehākathāāreṇa avarāideṇa | jadhā,—
bālakaī kairāo ṇibbhararāassa taha uvajjhāo
ia jassa papāhiṃ paraṃparāi māhappamārūḍhaṃ

2.10

so attha kaī sirirāaseharo tihuaṇaṃ pi dhavaletti
hariṇaṃkapāḍisiddhīa ṇikalaṃkā guṇā jassa

2.11

sthāpakaḥ—tā keṇa samādiṭṭhā pauṃjadha ?
pāripārśvakaḥ—
cāhuāṇakulamolimāliā rāhaseharakaīṃdagehiṇī
bhattuṇo kiimavaṃtisuṃdarī sā pauṃjaiumeamicchai

2.12

kiṃ ca,—
caṃḍavāladharaṇīhariṇaṃkò cakkavaṭṭipaalāiṇimittaṃ
ettha saṭṭaavare rasasotte kuṃtalāhivasua pariṇei

2.12.p1

sthāpakaḥ—tā ehi | aṇaṃtarakaraṇijjaṃ saṃpādemha | jado mahārāadevīṇaṃ bhūmiaṃ ghettūṇa ajjo ajjabhāriā a javaṇiaṃtare vaṭṭaṃti

2.12.p2

iti parikramya niṣkrāntau

2.13

prastāvanā
(tataḥ praviśati rājā devī vidūṣako vibhavataśca parivāraḥ| sarve parikramya yathocitamupaviśanti|)
rājā--devi dakkhiṇāhivaṇariṃdaṇaṃdiṇi! vaddhāvīasi imiṇā
vasaṃtāraṃbheṇa| jado,bivvoṭṭhe vahalaṃ ṇa deṃti maaṇaṃ ṇo gaṃdhatelāṃviṃlā
veṇīo viraaṃti leṃti ṇa tahā aṃgammi kuppāsaaṃ
jaṃ bālā muhakuṃkumammi vi ghaṇe vahṛṃti ḍhillāarā
taṃ maṇṇe sisiraṃ viṇijjia valā patto vasaṃtūsavo

2.14

devī-deva! ahaṃ pi tujjha paḍivaddhāviā bhavissaṃ| jadhā,chohaṃti daṃtaraaṇāi gae tusāre
īsīsa caṃdaṇarasammi maṇaṃ kuṇaṃti
eṇhi suvaṃti gharamajjhamasāliāsu
pāaṃtapuṃjiapaḍaṃ mihuṇāi peccha

2.14.p1

nepathye

2.15

vaitālikayorekaḥ—jaa jaa puvvadisaṃgaṇāmuaṃga campācampaakaṇṇaūra līlāruṇijjidarāḍhācaṃgattaṇa vikkamakkaṃkanāmarūva harikelīkeliāra
avamaṇidajaccasuvaṇṇavaṇṇa savvaṃgasuṃdarattaṇaramaṇijja, suhāa de modu
surahisamāraṃbho | idha hi,paṃḍīṇaṃ gaṃḍavālīpulaaṇacavalā kaṃcivālāvalārṇa
māṇaṃ dokhaṃḍaaṃtā rairahasaarā colasīmaṃtiṇīṇaṃ
kaṇṇāḍīṇaṃ kuṇaṃtā kuralataralaṇaṃ kuṃtalīṇaṃ piesuṃ
guṃphaṃtā ṇehagaṃṭhiṃ malaasihariṇo sīalā eṃti vāyā

2.15.p1

atraiva

2.16

dvitīyaḥ—
jāaṃ kuṃkumapaṃkalīḍhamaraḍhīgaṃḍappahaṃ caṃpaaṃ
thoāvaṭṭiaduddhamuddhakusumā paṃphulliā manniā
mūle sāmalamaggalaggabhasalaṃ lakkhijjae kiṃvā
pijjataṃ bhasalehi dosu vi disābhāesu laggehi ca

2.27

rājā—pie vibbhamalehe ! eko ahaṃ vaḍḍhāvao tujjha, kā tumaṃ
pi vaḍḍhāviā majjha | kiṃ uṇa duve vi amhe vaḍḍhāvidā kaṃcaṇacaṃḍaradaṇacaṃḍehiṃ baṃdīhiṃ ? tā vibbhamappaaṭṭhāvaaṃ taraṭṭīṇaṃ, ṇaṭṭhāvaaṃ malaamārudaṃdolidaladāṇattaṇīṇaṃ, cāruppavaṃcidapaṃcamaṃ kalakaṃṭhikaṃṭhesuṃ, kaṃdalidakaṃdappakoaṃḍadaṃḍākhaṃḍir̤akaṃḍacaṃḍimaṃ, siṇiddhabaṃdhavaṃ vasuṃdharāpuraṃghīe
pasāridapasappamāṇehiṃ acchīhiṃ mahūsavaṃ jadhicchaṃ pekkhadu devī
devī-jadhā ṇivediyaṃ vaṃdīhiṃ | paaṭṭā jeva malaāṇilā
tadhā a,-laṃkā toraṇamaliā taraliṇo kuṃbhubbhavassāsame
madaṃdoliacaṃdaṇaddumaladākappūra saṃpakiṇo
kakkellīkulakaṃpiṇo phaṇiladāṇippeṭṭhaṇadvāvaā
caṃdaṃ cuṃbidatavvaṇissali lā vāaṃti cettāṇilā

2.18

avi a,—
māṇaṃ muṃcadha deha vallahajaṇe diṭṭhiṃ taraṃguttaraṃ
tāruṇṇaṃ diahāi paṃca daha vā pīṇatthaṇutthaṃbhaṇaṃ
itthaṃ koilamaṃjusiṃjidamilā devassa paṃcesuṇo
diṇṇā cettamahūsaveṇa sahasā āṇa gha savvaṃkasā

2.18.p1

vidūṣakaḥ—bho, tumhāṇaṃ rāṇaṃ majjhe ahaṃ ekko kālakkhario
jassa me sasurasasuro paragharesu potthajabhāraṃ vahaṃto āsi
ceṭī-(vihasya |) tado kramā़gadaṃ te paṃḍiccaṃ
vidūṣakaḥ-(sakrodham |) āḥ dāsīe ghūde, bhavittasakuṭṭiṇi, ṇillakvaṇe, viakkhaṇe ! īdisohaṃ mukkho jo tae vi uvahasīāmi !
aṇṇaṃ ca, he paraputtaviṭāliṇi, bhamaraṭeṃṭe, ṭeṃḍhākarāle, tuṭṭisaṃghaḍide
paraṃparā paṃḍiccassa maha ki dūṣaṇaṃ āsi | pekkha akālajaladavaṃsasaṃbhūdāṇa paraṃparāe paṃḍiccaṃ | athavā hatthe kaṃkaṇaṃ ki dappaṇeṇa ?
vicakṣaṇā-(vibhāvya |) evaṃ ṇedaṃ, turaṃgamma sigdhattaṇe kiṃ
sakkhiṇo pucchijjaṃti ? tā vaṇṇaa vasaṃtaṃ
vidūṣakaḥ-kathaṃ paṃjaragadā sāri va kurusurāaṃtī ciṭṭhasi ? ṇa
kiṃ pi jāṇāsi | tā piavaassassa devī purado paḍhissaṃ | jado
ṇa katthūriā kuggāme vaṇe vā vikkīṇīadi, ṇedaṃ suvaṇṇaṃ kasavaṭṭiaṃ
viṇā kasīadi
rājā-piavaassa ! tā paḍha | suṇīadu

2.18.p2

vidūṣakaḥ paṭhati

2.19

phullutkaraṃ kalamakrūrasamaṃ vahaṃti
je siṃdhuvāraviḍavā maha vallahā te
je gāliassa mahisīdahiṇo saricchā
te kiṃ ca muddhaviahallapasūnapuṃjā

2.20

vicakṣaṇā—(vihasya) ṇiakatārattaṇajogga te vaaṇa
vidūṣakaḥ—kiṃ'pi udāravaaṇā tuma paḍha
devī—(kiṃcismidā |) sahi viakkhaṇe ! amhāṇa purado tuma
gāḍhakaitteṇa gadyuttāṇā mosi| tā paḍha saṃpada ajjauttassa purado saa
kaṃda kiṃpi kaha | jado ta kaha ja sabhāe paḍhīadi, ta suvaṇṇa ja
kasapaṭṭiāe ṇivvaḍadi, sā ghariṇī jā padi raṃjedi, so putto jo
kula ujjaledi
vicakṣaṇā—ja devī āṇavedi | (iti paṭhati |)
je raṅkāgirimeddalāhiṃ khallidā sabhoakhiṇṇoraī
phārapphullaphaṇāvalīkaalaṇe pattā dariddattaṇa
te eṇḍiha malaāṇilā virahiṇīṇīsāsasaṃpakiṇo
jādā jhatti sisuttaṇe vi vahalā tāruṇṇapuṇṇā via

2.20.p1

rājā—saccaṃ viakkhaṇā viakkhaṇā cadurattaṇe uttīṇaṃ | tā
kiṃpi aṇṇaṃ vicittadāe | kaīṇaṃ sukaitti | kaicūḍāmaṇittaṇe
ṭhidā esā
vidūṣakaḥ—(sakrodham |) tā ujjuāṃ jjeva kiṃ ṇa bhaṇṇai attuttamā viakkhaṇā kavvammi, añcādhamo kaviṃjalo baṃbhaṇo tti ?
vicakṣaṇā—ajja ! mā kuppa | kavvaṃ jevva de kaittaṇaṃ pisuṇedi
jado ṇiaaṃṃtārattaṇaṇidaṇijje vi arathe suumārā de vāṇī, laṃghatthaṇīe via ekkāvalī tuṃdilāe via kaṃculiā, kāṇāe via kajjalasalāā, ṇa suṭudaraṃ bhādi ramaṇijjā
vidūṣakaḥ-tumha uṇa ramaṇijje vi atthe ṇa suṃdarā saddānalī
kaṇaakaḍisuttae via lohakiṃkiṇīmālā, paḍipaṭṭe via ṭasariviraaṇā
goraṃgīe via caṃdaṇacaccā ṇa cāruttaṇa avalaṃbedi | tathā vi tumaṃ
vaṇṇīasi
vicakṣaṇā-ajja ! kā tumhehi samaṃ amhāṇaṃ pāḍisiddhī ? jado
tumaṃ ṇārāo via ṇirakkharo vi raaṇatulāe ṇiuṃjīasi | ahaṃ
puṇa tula gha laddhakkharā vi ṇa suvaṇṇatolaṇe viṇiuṃjīāmi
vidūṣakaḥ—evaṃ maha bhaṇaṃtīe tuha vāmaṃ dakkhiṇaṃ a juhiṭṭhilajeṭṭhabhāuraṇāmadheaṃ aṃgaṃ taḍatti uppāḍaissaṃ
vicakṣaṇā—ahaṃ pi uttaraphagguṇīpurassaraṇakkhattaṇāmadheaṃ aṃgaṃ
tuha taḍatti khaṃḍissaṃ
rājā—vaassa ! mā evaṃ bhaṇa | kaittaṇe dvidā esā
vidūṣakaḥ—(sakrodham |) tā ujjuaṃ jjeva kiṃ ṇa bhaṇṇai, amhāṇaṃ
ceḍiā heriḍahuṇaṃdijahapoṭṭisahālappahudīṇaṃ pi purado sukai tti ?
rājā—evaṃ ṇedaṃ

2.20.p2

vidūṣakaḥ sakrodhaṃ parikrāmati

2.20.p3

vicakṣaṇā—(vihasya) tahiṃ gaccha jahiṃ me mādāe paḍhamasāḍoliā gadā
vidūṣakaḥ- (valitagrīvam |) tuvaṃ uṇa tahi gaccha jahiṃ me mādāe
paḍhamā daṃtāvalī gadā | īdisassa rāulassa bhaddaṃ bhodu, jahi ceḍiā
baṃbhaṇeṇa samaṃ samasīsiāe dīsadi | maharā paṃcagavvaṃ ca ekkassi bhaṃḍe
kīradi, kaccaṃ māṇikkaṃ ca samaṃ āharaṇe pauṃjīadi
ceṭī-iha rāule taṃ te bhodu kaṃṭadvidaṃ jaṃ bhaavaṃ tiloaṇo
sīse samuvvahadi | teṇaṃ ca de muhaṃ cūrīadu jeṇa asoataru dohalaṃ
lhedi
vidūṣakaḥ-ā, dāsīe putti ! ceṭārakakale, kosasadavaṭṭāṇi, racchāloṭṭhaṇi ! evaṃ maṃ bhaṇasi ! tā maha mahābaṃbhaṇassa vaadeṇa taṃ tumaṃ laha
jaṃ phagguṇasamae sohaṃjaṇo dohalaṃ lahedi | jaṃ ca pāmarāhito galibaillo lahedi
vicakṣaṇā-ahaṃ puṇa tuha evaṃ bhaṇaṃtassa ṇeurassa via pāalaggassa pāeṇa muhaṃ cūraissaṃ | aṇṇaṃ ca, uttarāsāḍhāpurassaraṇakkhattaṇāmadheaṃ aṃgajualaṃ uppāḍia ghallissaṃ

2.20.p4

vidūṣakaḥ sakrodhaṃ parikrāmati

2.20.p5

(javanikāntare kiṃciddurgaṃ |) īrisa rāulaṃ dūreṇa vaṃdīadi jarhi
dāsī baṃbhaṇeṇa samaṃ pāḍisiddhiṃ karedi | tā ajjappahudi ṇiavasuṃdharātraṃbhaṇīe calaṇasussūsao bhavia gehaṃ jjeva ciṭṭhissaṃ

2.20.p6

sarve hasanti

2.20.p7

devī-kīdisī ajjakaviṃjaleṇa viṇā goṭṭhī, kīdisī uṇa
ṇaaṇaṃRangeṇa viṇā pasāhaṇālacchī

2.20.p8

nepathye

2.21

ṇa hu ṇa hu āgamissaṃ | aṇṇo ko vi piavaasso aṇṇesīadu | ahavā esā duṭṭhadāsī laṃbakuccaṃ ṭapparakaṇṇaṃ paḍisīsaaṃ deia
maha ṭṭhāṇe uvahasaṇatthaṃ kīradu | ahaṃ ekko mudo tumhāṇaṃ savvāṇaṃ
majjhammi | tumhe uṇa varisasaaṃ jīvadha
vicakṣaṇā-mā aṇusaṃdhedha | aṇuṇaakakkaso khu kaviṃjalo
baṃbhaṇo salilasitto via saṇaguṇagaṃṭhī diḍhaṃ gāḍhadaro bhodi | ṇaṃ
daṃsaṇīaṃ dīsadu
devī—(samantādavalokya |)
gāaṃtagovaavadhūpaapaikhidāsu
dolāsu vibhbhamavadīsu 1ṇiviṭṭhadiṭṭhī
jaṃ jādi khaṃjidaturaṃgaraho diṇeso
teṇa gha hoṃti diahā aidīhadīhā

2.21.p1

praviśyāpaṭīkṣepeṇa

2.21.p2

vidūṣakaḥ—āsaṇaṃ āsaṇaṃ
rājā-kiṃ teṇa ?
vidūṣakaḥ-bhairavāṇaṃdo duāre ciṭṭhadi
devī-kiṃ so, jo jaṇavaaṇādo acabbhudasiddhī suṇīadi ?
vidūṣakaḥ-adha iṃ
rājā-pavesaa

2.21.p3

vidūṣako niṣkramya tenaiva saha praviśati

2.22

bhairavānandaḥ-(kiṃcinmadamabhinīya |)
maṃto ṇa taṃto ṇa a kiṃ pi jāṇe jhāṇaṃ ca ṇo kiṃ pi guruppasādā
majjaṃ pibāmo mahilaṃ ramāmo mokkhaṃ ca jāmo kulamaggalaggā

2.23

avi a,–
raṃḍā caṃḍā dikkhidā dhammadārā
majjaṃ maṃsaṃ pijjae khajjae a
bhikkhā bhojjaṃ cammakhaṃḍaṃ ca sejjā
kolo dhammo kassa ṇo bhādi rammo

2.24

kiṃ ca,–
muttiṃ bhaṇaṃti harivamhamuhā vi devā
jhāṇeṇa veapaḍhaṇeṇa kaḍukkiāhiṃ
ekeṇa kevalamumāiideṇa diṭṭho
mokkho samaṃ suraakelimugarasehiṃ

2.25

rājā–idaṃ āsaṇaṃ | uvavisadu bhairavāṇaṃdo
bhairavānandaḥ—(upaviśya |) kiṃ kāṃdavvaṃ !
rājā—kahiṃ pi visae acchariaṃ daṭṭuṃ icchāmi
bhairavānandaḥ—
daṃsemi taṃ pi sasiṇaṃ vasuhāvaiṇṇaṃ
thaṃbhemi tassa vi ravisa rahaṃ ṇahaddhe
āṇemi jakkhasurasiddhagaṇaṃgaṇāo
taṃ ṇatthi bhūmivalae maha jaṃ ṇa sajjaṃ

2.28

tā bhaṇa kiṃ kīradu
vidūṣakaḥ—
ṇhāṇāvamukkāharaṇuccaāe taraṃgabhaṃgakvadamaṃḍaṇāe
olaṃtasuullāsithaṇulaāe suṃderasaghavvasamimīa diṭṭhī

2.29

nāyikā—( sarvānavalokya | svagatam | ) eso mahārāo ko vi
imiṇā gaṃbhīramahuereṇa sohāsamudāeṇa jāṇīadi | esā vi edassa
mahādevī lakkhīadi | addhaṇārīsarassa vāmaddhe via aruhiā vi
gorī muṇījjadi | eso ko vi joīsaro | esa uga pariaṇo
( vicintya | ) tā ki ti edassa mahilāsahidassa vi diṭṭhī maṃ bahu
maṇṇedi | ( iti tryasraṃ vīkṣate | )
rājā—(vidūṣakamapavārya |)
jaṃ mukkā savaṇaṃtareṇa sahasā tikkhā kaḍakkhacchaḍā
bhigāhiṭṭhidaneda aggimadaladdoṇīsaricchacchavī
taṃ kappūraraseṇa ṇaṃ dhavalido joṇhāi ṇa vhāvido
muttāṇa ghaṇareṇuṇa vva churido jādo mhi etthaṃtare

2.30

vidūṣakaḥ—aho se rūvasohā
maṇṇe majjha tivalivalia ḍiṃbhamuṭṭhia gejjhaṃ
ṇo vāhūhi ramaṇaphalaa vedvidu jādi dohi
ṇettacchetta taraṇipasaīdijjamāṇovamāṇaṃ
tā paccakkha maha vilihidu jādi esā ṇa citte

2.31

kadha vhāṇadhodavilevaṇā vi samuccāritavibhūṣaṇā vi ramaṇijjā| aha vā,—
rūveṇaṃ mukkā vi vihūsaaṃti tāṇaṃ alaṃkāravaseṇa sohā
ṇissaggacaṃgassa vi<hi rend="superscript" 1</hi māṇusassa sohā samummīladi bhūsaṇehiṃ

2.33

itthaṃ jāṇaṃ avaavagadā kā vi suṃderamuddā
maṇṇe tāṇaṃ calaidadhaṇū ṇiccabhicco aṇaṃgo

2.34

avi a, edāe—
tahā ramaṇavittharo jaha ṇa ṭhāi kaṃcīladā
tahā 1sihiṇatuṃgimā jaha 2ṇipai ṇāhiṃ ṇa hu
tahā ṇaaṇavahhimā jaha ṇa kiṃpi kaṇṇuppalaṃ
tahā a muhamujjalaṃ dusasiṇī jahā puṇṇimā

2.34.p1

devī—ajja kaijjala ! pucchia jāṇa kā esa tti
nāyikā—tassa gharaṇī sasippahā ṇāma
devī—( svagatam |) sā vi me māucchiā
nāyikā—(vihasya |) tehi ahaṃ khalakhaṃḍehi kīṇidā duhida tti
vuccāmi
devī—(svagatam |) ṇa hu sasippahāgabbhuppattiṃ aṃtareṇa īdisau
rūvasohā | ṇa hu vidrūrabhūmiṃ aṃtareṇa veruḷiamaṇisalāā ṇippajjadi | (prakāśam |) ṇaṃ tuvaṃ kappūramaṃjarī

2.34.p2

nāyikā salajjamadhomukhī tiṣṭhati

2.34.p3

devī—ehi bahiṇie ! āliṃgasu maṃ | (iti pariṣvajate |)
karpūramañjarī—amhahe, kappūramaṃjarīe eso paḍhamo paṇāmo
devī-ajja bhairavāṇaṃda ! tujjha ppasāeṇa apuvvaṃ saṃvihāṇaaṃ
aṇubhavidaṃ kappūramaṃjarīdaṃsaṇeṇa | tā ciṭṭhadu dāva esā paṃcadasadivasāiṃ
pacchā jhāṇavimāṇeṇa ṇaissadha
bhairavānandaḥ-jaṃ bhaṇādi devī
vidūṣakaḥ-( rājānamuddiśya |) bho vaassa ! amhe paraṃ duve vi
bāhirā tuvaṃ aha ca | jado edāṇaṃ milidaṃ kuṭuṃbaṃ vaṭṭadi | jado
imīo do vi bahiṇiāo | bhairavāṇaṃdo uṇa edāṇaṃ saṃjoaaro
acchido mahagghido a | esā viakkhaṇā mahīalasarassadī a kuṭṭiṇī^1
devī jjeva dehaṃtareṇa
devī--viakkhaṇe ! ṇiajeṭṭhabahiṇia sulakkhaṇaṃ bhaṇia bhairavāṇaṃdassa hiaicchidā sapajjā kādavvā
vicakṣaṇā—jaṃ devī āṇavedi
devī—(rājānaṃ prati |) ajjautta ! pesihi maṃ, jeṇa ahaṃ bahiṇīe
edāvasthāe ṇevacchalacchīlīlāṇimittaṃ aṃteuraṃ gamissaṃ
rājā—jujjadi caṃpaaladāe katthūriākappūrarasehiṃ ālavālaparipūraṇaṃ

Commentaries (1)

Karpūramañjarīprakāśa — Vāsudeva, Sanskrit

Discussed in (4)

The History and Culture of the Indian People — Majumdar et al. 1951, English
History of Indian and Indonesian Art — Coomaraswamy 1927, English
The Sanskrit Drama in its Origin, Development, Theory & Practice — Keith 1924, English
Rāgas and Rāginīs: A Pictorial and Iconographic Study of Indian Musical Modes Based on Original Sources — Gangoly 1935, English

Karpuramanjari 2

Contents

Commentaries (1)

Discussed in (4)