Rupakashatka 12.8
Rūpakaṣaṭka 12.8
- Language
- Sanskrit
12.8
ceṭī-(niḥśvasya) attira ! evaṃ ṇedaṃ | ṇa hu agihīdamuvvaradi ramaṇīyaṃ
vatthu | jaṃ tuha ciraālasaṃcido so āharaṇasaṃcao ayya raaṇīe corehiṃ
gahido'
kapaṭakeliḥ (sasambhramam) kusumiṇ ! kiṃ kathesiṃ !
kusumikā - evaṃ ṇedaṃ
kapaṭakeliḥ (svagataṃ saviṣādam) kathaṃ visapariṇadīe pariṇadaṃ mairāe
jaṃ mudavva suttamṭi | (prakāśam) tā kiṃ saṃdhī diṇṇo
kusumikā- ṇa hu ṇa hum̐
kapaṭa0 - duāramugghaḍidaṃ
kusu0 - ṇa hu ṇa hum̐
kapaṭa0- tā kiṃ nedaṃ
kusu0 - vihnāveṭu ayyuo
kapaṭa0 (vimṛśya svagatama) nū̍ṇaṃ edāe maha dhūāe tassi kalākaraṃḍaajūdare atthasuṇṇevi anurattāe esa vāvāro bhavissadi | haddhī ! haddhī !
ṇa hu ṇa hu amhāṇaṃ ghare eārisī kulamahilā kāvi suṇīadi jā savvaṃcia
bhuaṃge aṇurajjadi | edāe coriāe etamhmaghare kalaho viṇthāvido
(prakāśam) kusumiṇ ! tā kassa vi nāṇiṇo muheṇa edaṃ payāsaissaṃ | atthi
ittha jiṇṇujjāṇamaḍhammi kevalīnāṇaṇiuṇo nāṇarāsī nāma bhaavo | tā
pucchiduṃ gamissaṃ | jaggavesu muggaraaṃ jahā esovi aṇuaro bhodi
kusu0—muggaraa ! muggaraa ! jaggesu jaggesu | (ceṭastathaiva śete) bāḍhaṃ
khu daṭṭo esa ṇihoraṃrie | nīlakaṃṭho jai imaṃ jaggāvedi1
kapaṭa0—ahaṃ jāṇemi edassa kae kaṇṇajāvaṃ | moggaraa ! moggaraa !
jaggesu jaggesu | āṇesu taṃ sucakkhidaṃ kaṭṭuya maddaṃ2
ceṭaḥ—kusumiṇ ! geṇha geṇha bhāaṇāīṃ3
kapaṭa0—vaccha muggaraa ! ahaṃ tumaṃ pi dāva gacchamha yāva kusumiā bhāaṇāī pakkhālia āṇedi4 | (iti parikrāmataḥ)
ceṭaḥ—attā kiṃ uṇa aṇṇado kudovi calidāsiṃ
kapaṭa0—(saviṣādam) muggaraa ! ṇa sudaṃ tae ajja attaṇo gharavuttantaṃ
taṃ khu ciraālasaṃcidasavvassaṃ ajja corehiṃ musidaṃ | tā ujjāṇamaḍhavāsiṇaṃ
kevalīnāṇaṇiuṇaṃ bhaavantaṃ ṇāṃṇarāsiṃ pucchiduṃ gamissaṃ6
ceṭaḥ—(svagataṃ saharṣam) jīvadha re coraā ! jīvadha ! | suhapariṇāmo bhodu tumhāṇaṃ esa vāvāro | ṇa hu esā haāsā muhuttamettaṃpi uvaramadi amhārisassa gharaaṇassa aṇatthaparaṃparāo patthāvayantī | (prakāśaṃ sakhedāmiva ) haddhī haddhī
attā kiṃ edaṃ saṃvṛttaṃ | ṇa tahā maṃ bādhedi atthaṇāso jahā ajjuyā vi
musidatti parāhavo | ṇa hu aggī keṇavi daddho suṇīadi | ahavā divvāīṇā
dhaṇahāṇī | ṇatthi parāhavo | tahā a—
jāṇaṃtāṇa samakkhaṃ ṇāraloāṇa musai savvassaṃ
helāe amha attā kaha coro attiāsariso
12.8.p1
kapaṭa0—moggaraa ! savvassa paṇāse ko esa vakkakkharakālo | padiāro dāva kīradu'
mudgarakaḥ—padiāraṃ karemi | ( ākāśe lakṣyaṃ baddhā ) haṃho loavālā
ṇa bhavissadha ṇa bhavissadha jaṃ attāe dhammaparāe parimusidaṃ vatthu upekkhadha'
kapaṭa0—ceḍā ceḍā ! kiṃ asaṃaddhaṃ mantesiṃ ?
ceṭaḥ—saṃbaddhaṃ mantemi | diṭṭhiā esā māāvaṃvidasaalabhuaṇā
attā corehiṃ parimusidām̐
kapaṭa0—(sakrodhama ) moggaraa ! ṇa saṃvarasi attaṇo miccuduāraṃ muham̐
12.8.p2
iti capeṭena tāḍayati