Rupakashatka 13.5
Rūpakaṣaṭka 13.5
- Language
- Sanskrit
13.5
śiṣyaḥ—uajjhāa ! tumaṃ va duvvisahativvateo diṇaṇāho | tā ehi
edaṃ cceva māhavīmaṃḍavaṃ pavisamha | ihacceva jhāṇadhāraṇādiaṃ bhavissadi1
jñāna0—( svagataṃ saharṣotkaṇṭham ) ciraṃ jīvatu me vatsaḥ | kauṇḍinyena hṛdgatamabhihitam | ( prakāśam ) yathā rocate vatsāya | ( ubhau praveśaṃ nāṭayataḥ )
( svagataṃ sotkaṇṭhaṃ vibhāvya ) aye iyaṃ sā vedikā madanasundarīparibhāsanasambhāvitā| tadetāmadhiśaye tāvat | ( iti viśrāmaṃ nāṭayati )
śiṣyaḥ—iha jahicchaṃ kuṇadu uajjhāo jhāṇadhāraṇādiaṃ2
jñāna0—( sāntastāpaḥ svagatam ) kuto mamaitadidānīm | tathāhi—
samedhante śvāsāḥ kva nu pavanasaṃrodhanavidhervacastannāmaiva spṛśati satataṃ kāsti sa japaḥ
tayā grastaṃ cittaṃ kvacidapi yayau kaiṭabharipurdadau dīkṣāmanyāṃ mama kusumacāpo'dya bhagavān
13.5.p1
pragalbhate ca mamāyaṃ sarvāṅgīṇaḥ santāpastadenāmeva śītalāṃ vedikāṃ viluṇṭhanaiḥ sambhāvayāmi ( iti tathā karoti )
śiṣyaḥ—( sasambhramamiva ) kiṃ uṇa uajjhāo evaṃ paloṭṭhadi3 !
jñāna0—( sasaṃvaraṇam ) vatsa ! kauṇḍinya ! bādhante mamāṅgāni ghoreṇa
jvareṇa
śiṣyaḥ—( sparśamabhitīya ) aho de dāruṇo jaro | ṇaṃ jāṇasiyyeva jaraviāraṇamantaṃ | tā kīsa kilimmasiṃ ?
jñāna0—( svagataṃ vimṛśya ) aye madanasundarīvirahajvarāturasya tadvaśīkaraṇamantraprayoga eva me śaraṇam | mukharaśiṣyarākṣasāghātasya kva me dūtyāderabhyupāyastadevaṃ tāvat | ( prakāśam ) vatsa kauṇḍinya ! | samyaganusmārito'smi
tadānaya likhanopakaraṇāni, yathā jvarajittvaraṃ mantrabījaṃ viracayāmi
śiṣyaḥ—( niṣkramya punaḥ praviśya ) edāhaṃ ubaaraṇāī | ālihadu uajjhāo
jñāna0—( bhūrjatvacamādāya vaśīkaraṇamantramālikhya saṃvṛtya ) vatsa kauṇḍinya !
candanapaṅkagolena bījavatkṛtvainamānaya yathā paridhāya vijvaro bhavāmi
śiṣyaḥ—( likhitamādāya parikramya ) aye pecchāmi dāva kiṃ idha ālihidatti | ( unmocya vācayitvā sasmitam ) aye mantāṇantaraṃ madanasuṃdarī me vaśībhavatviti lihidaṃ| tā ṇa idaṃ sahissaṃ| ahaṃpi maaṇasuṃdarīsamāgamāsāe jīvidaṃ
dhāremi | tā evaṃ dāva | ( unmṛjya kapaṭakelimeṃ vaśībhavatviti samālikhya tathaiva saṃvṛtya candanapaṅkena bījavatkṛtvā punaḥ praviśya ) dhāredu edaṃ uajjhāo
13.5.p2
jñānarāśiḥ bījamādāya nāṭyena paridadhāti