Rupakashatka 6.8
Rūpakaṣaṭka 6.8
- Language
- Sanskrit
6.8
apica—
balabhadra ! valīvarddo lāṅgalaṃ cālayanbhavān
yaśaḥ katamamasmābhirlabhyate tadvipāṭanāt
6.8.p1
śiśupālaḥ—rukmin ! bhadraṃ bhadramāyātamasmāsu | ākarṇaya dundubhim
asmadīyasamaradundubhiśravaṇānantarameva vyāvṛttaḥ kṛṣṇaḥ
rukmī—(kṛṣṇadundubhidhvanaṃ pratyabhijñāya saharṣam) priyaṃ priyaṃ naḥ | pūryatāṃ pūryatāmidānīṃ kiyatyapi saṅgarapratyāśāsmākam
balabhadraḥ—sātyake ! kiṃ kṛtamidaṃ kṛṣṇena
sātyakiḥ—samaradundubhimākarṇya kathañca tiṣṭhetkṛṣṇaḥ ? | nahi nahi
kesarī kuñjarārāvamākarṇya vilambate
6.8.p2
tataḥ praviśati kṛṣṇo rukmiṇī subuddhiḥ suvatsalā ca