Rupakashatka 8.16
Rūpakaṣaṭka 8.16
- Language
- Sanskrit
8.16
nāradaḥ—( saharṣama ) ayi dānavāre ! namaste namaste | nāmāpi na bhaviṣyati tvayi kruddhe dānavānām
naitasya dviradā madākulakaṭā nodagravegā hayā
yoddhāro na niśātaśāstranidhayo nogrā māthā rathāḥ
nāyaṃ valgati narhati praharati prasphoṭayatyutkaṭo
mohenaiva nihanti dānavakulaṃ vīro'ndhakāro'dbhutaḥ
8.16.p1
nepathye
8.16.p2
ayi dānavavīrāḥ ! kimevamākulībhavanti bhavantaḥ ? | nūnamayaṃ pātālopagatairamarairiha prahito'ndhakārastatke'pi daityabhaṭāḥ pātālamupetya devānunmūlayantu rundhantu cāndhakāram | ayaṃ cāndhakāraḥ kaumudīmāyayā mayā niyamyate
nāradaḥ—( sāvegam ) ayi tāta ! ayi devadeva ! ayi kṛṣṇa ! bhavantastāvadamarāvatīmaśūnyāṃ kuruta yāvadahaṃ bhavatprasādādavihatagatirvijñāpitamāyāprapañcāndevāndivamānayāmi
brahmādyāḥ—sādhu sādhu
8.16.p3
iti niṣkrāntāḥ sarve
8.16.p4
dvitīyo'ṅkaḥ
tṛtīyo'ṅkaḥ
8.16.p5
tataḥ praviśati viśadāśayaḥ
8.16.p6
viśadāśayaḥ—( puro'valokya ) kathamayaṃ sphuṭākṣara ivāvalokyate ? | ( nipuṇaṃ
nirūpya ) mayāpyudāsīna eṣaḥ | kiṃ punarasau sasaṃrambha iva drutapadairvibhāvyate
8.16.p7
tataḥ praviśati yathānirdiṣṭaḥ sphuṭākṣaraḥ
8.16.p8
sphuṭākṣaraḥ—kadhaṃ ayyo visadāsao ! | tā paṇamāmi ṇaṃ | ( sapraśrayamupasṛtya )
ayya visadāsaya ! savvasaṃdehavisāvasamakāraṇe bahmaṇotti tumaṃ paṇamāmi ṇa
uṇa rāyasacivattaṇāṇuroheṇaṃ
8.16.p9
iti praṇamati