Aryacarita 71.p1.2

71.p1.2

mṛgajahunā snehānubaddhahṛdaya āsīt | kuśakusumasamitpalāśaphalamūlodakānyāhariṣyamāṇo vṛkasālāvṛkādibhyo bhayamāśaṃsamāno yadā
saha hariṇakuṇakena vanaṃ samāviśati ! pathiṣu ca mugdhabhāvena
tatra viṣaṇṇamatipraṇayabharahṛdayaḥ kārpaṇyātskandhenodvahati | evamutsaṅga
urasi cādhāyopalālayanmudaṃ paramāmavāpa | kriyāyāṃ nirvartyamānāyāmantarāle'pyutthāyotthāya yadainamabhicakṣīta, tarhi vā va sa varṣapatiḥ prakṛtisthena manasā tasmā āśiṣa āśāste ; svasti syādvatsa,
te sarvata iti | anyadā bhṛśamudvignamanā naṣṭadraviṇa iva kṛpaṇaḥ
sakaruṇamatitarpeṇa hariṇakuṇakavirahavihvalahṛdayasaṃtāpastamevānuśocankila kaśmalaṃ mahadabhirambhita iti hovāca | 'api bata sa vai
kṛpaṇa eva bālako mṛtahariṇīsuto'ho mamānāryasya śaṭhakirātamaterakṛtasukṛtasya kṛtavisrambha ātmapratyayena tadavigaṇayansujana
ivāgamiṣyati | api kṣemeṇāsminnāśramopavane śaṣpāṇi carantaṃ devaguptaṃ drakṣyāmi | api ca na vṛkaḥ sālāvṛko'nyatamo vā naikacara
ekacaro vā bhakṣayati | nimlocati ha bhagavāna sakalajagatkṣemodayastrayyātmā | adyāpi mama na mṛgavadhūnyāsa āgacchati | api
svidakṛtasukṛtamāgatya māṃ sukhayiṣyati hariṇarājakumāro vividharuciradarśanīyanijamṛgadārakavinodairsantoṣaṃ svānāmapanudan | svelikāyāṃ māṃ mṛṣāsamādhinā mīlitadṛśaṃ premasaṃrambheṇa cakitacakita
āgatya pṛṣatparuṣaviṣāṇāgreṇa luṭhati | āsāditahaviṣi barhiṣi
dūṣite mayopālabdho bhītabhītaḥ sapadyuparatarāsa ṛṣikumāravadavahitakaraṇakalāpa āste | kiṃ vāre ācaritaṃ tapastapasvinyānayā,