Aryacarita 72.p1.2

72.p1.2

satī svagarbhajātaṃ mithunaṃ sapatnayā upanyasya svayamanusaṃsthayā patilokamagāt | pitaryuparate bhrātara enamatatprabhāvavidastrayyāṃ vidyāyāmeva paryavasitamatayo na paravidyāyāṃ jaḍamatiriti bhrāturanuśāsananirbandhānnyavṛtsanta | sa ca prākṛtairdvipadapaśubhirunmatta, jaḍa, badhiretyabhibhāṣyamāṇo yadā tadanurūpāṇi prabhāṣate, karmāṇi ca sa kāryamāṇaḥ parecchayā karoti, viṣṭito vetanato yāñcayā yadṛcchayā
vopāsāditamalpaṃ bahu mṛṣṭaṃ kadannaṃ vābhyavaharati, paraṃ nendriyaprītinimittam | nityanivṛttanimittasvasiddhaviśuddhānubhavānandasvātmalābhādhigamaḥ sukhaduḥkhayordvandvanimittayorasaṃbhāvitadehābhimānaḥ śītoṣṇavātavarṣeṣu vṛṣa ivānāvṛtāṅgaḥ pīnaḥ saṃhananāṅgaḥ sthaṇḍilasaṃveśanānunmardanāmajjanarajasā mahāmaṇirivānabhivyaktabrahmavarcasaḥ
kupaṭāvṛtakaṭirupavītenorumaṣiṇā dvijātiriti brahmabandhuriti saṃjñayā'tajjanābamato vicacāra | yadā tu parata āhāraṃ karmavetanata īhamānaḥ svabhrātṛbhirapi kedārakarmaṇi nirūpitastadapi karoti | kiṃ tu
na samaviṣamanyūnamadhikamiti veda | kaṇapiṇyākaphalīkaraṇakulmāpasthālīpurīṣādīnyapyamṛtavadabhyavaharati | atha kadācitkaścidvṛṣalapatirbhadrakālyai puruṣapaśumālabhatāpatyakāmaḥ | tasya ha daivamuktasya paśoḥ