Kathakallolini p320

p320

paryāptisamākulo vātsalyaśīlo'laṅkāraśīlo galadaśrulocano dharmaśīlaṃ putramuvāca 'putra, kva tathābhūtamatikaṭhinaṃ tapaḥ kva ca tāvakīnamatisukumāraṃ śarīram | sarvabhogyaiśvaryopabhogānantarameva praśamaḥ śreyān iti kṛtadāraparigrahasya dharmeṇa ca rājyaṃ pālayato bhogakāle sāmprataṃ te vairāgyamasāmpratam |' pituretadvacaḥ samākarṇya tapaścaraṇaśīlo dharmaśīlaḥ pitaraṃ punarevamabhyadhāt 'pitaḥ, viraktyāsaktyorna vayo nimittakam | īśvarānugṛhīto hi kaścidbālo'pi virakto bhavati | kāpuruṣaśca kaścid varṣīyānapi uttarottarataruṇāyitatṛṣṇaḥ samavalokyate | madīyā ca ratirnātirājye rājye nāpi copaśamanigrahe dāraparigrahe'pi tu śivārirādhayiṣayā tapa eva madīyaṃ jīvitaphalam |' evaṃ bruvāṇaṃ taṃ putraṃ yatnenāpyanivāryamavekṣya tatpitā'śruparīvāhaparipūritacakṣuḥ svaputram 'yadi yūno'pīdṛśī te viraktirvṛddhasya me sā kathaṃ na syādityahamapi vanamāśraye |' itthamuktvā daridrebhyo brāhmaṇebhyaścāparimitaratnakāñcanarāśīn dvitīyaṃ kāñcanaprabhāṃ ca nijanagara eva sthātumājñāpyāvocat yattvamihaiva nivasantī kanyāmalaṃkāravatīmetāṃ parirakṣa | vatsare pūrṇe sasyasyasyā vivāhalagno yadā cāmimāṃ naravāhanadattāya dāsyāmi | sa ca cakravartī jāmātā puramasmākametatpālayiṣyati | etadākarṇya vilapantīṃ sasutāṃ tāṃ patnīmāśvāsya sasuto vanamāśrayadalaṅkāraśīlaḥ | tadbhāryā kāñcanaprabhā ca satīdharmānukūlaṃ nijapaterājñāmanusarantī tannagaramadhyāsta