Kathakusumamanjari 3.2

3.2

purā candravaṃśyo vicitravīryo nāma narapatirāsīt | sa
hāstinaṃ puraṃ paryapālayat | ambikā ambāliketi dve bhārye tasyāstām | tatrāmbikāyāṃ dhṛtarāṣṭro jātaḥ | ambālikāyāṃ ca
pāṇḍuḥ | dhṛtarāṣṭrasya duryodhanādayaḥ śataṃ putrā ajāyanta | pāṇḍośca
yudhiṣṭhirādayaḥ pañca | bālyātprabhṛti yudhiṣṭhiraḥ śubhācāro
babhūva | pāpācāraśca suyodhanaḥ | bālya eva putrāṇāṃ pāṇḍuḥ
kālavaśena paralokaṃ gataḥ | athāpi dhṛtarāṣṭro bālānbhrātṛputrānpremṇā paryapoṣayat | duṣṭāśayo duryodhanastu rājyahetoḥ karṇādisahitasteṣāṃ gūḍhavadhe bahudhā yatnamakarot | paraṃ tena cintitāḥ sarve'pyupāyā diṣṭyā viphalā eva jātāḥ | atha kapaṭadyūtena tānparājitya deśānniṣkāsitavān | pāpabhīruryudhiṣṭhiro bhrātṛbhirbhāryayā
ca saha dvādaśa varṣāṇi vane nivāsamakarot | parairajñātaśca varṣamekaṃ
virāṭanagare | caturdaśe varṣe duryodhanamupetya balavānapi hanta svadāyamayācata | sa tu lobhopahatacetā antataḥ pañca grāmānapi dātuṃ
nānumene | atha tayordāruṇaṃ romaharṣaṇaṃ ca yuddhaṃ kurukṣetre prāvartata
tatra yudhiṣṭhiro bhagavato vāsudevasya kṛpayā sānujaṃ sasainyaṃ duryādhanaṃ niḥśeṣaṃ vināśaya svarājyamakhaṇḍaṃ prāpya sahaṃ bhrātṛbhiḥ pṛthvīṃ
ciraṃ śaśāsa
kathā 2.
bhāgyaṃ phalati sarvatra na vidyā na ca pauruṣam
kūṣmāṇḍābhyantare muktāsturuṣkeṇa vilokitāḥ