Vaidyakasaroddhara 2.p187

2.p187

bṛhadvāsāvalehaḥ "pañcaviṃśat palaṃ grāhyaṃ vṛhatyorvvāsakasya (bṛhatī kaṇṭakārī) ca | bhāgyāṃstu pañcaviṃśacca jaladroṇe pṛthak pṛthak || ... ... ... ... pādaśeṣe rase bhavantathā | kaṇā-palāni catvāri jāritābhrapalantathā || kuṣṭhaṃ tālīśapatrañca maricaṃ tejapatrakaṃ | murāmāṃsī mūśīrañca lavaṅga nāgarantathā || sahabhūte tataḥ paścāt ślakṣṇacūrṇāni niḥkṣipet | hanti yakṣmāṇamatyugraṃ kāsaṃ pañcavidhantathā | raktapittaṃ kṣayaṃ śvāsaṃ jvaraṃ plīhānamevaca || bālānāpi vṛddhānāṃ yūnāñcaiva viśeṣataḥ | pārśvaśūlañca hṛtśūlamamlapittaṃ vamintathā || bṛhadvāsādi nāmāya mahādevena nirmitaḥ || ( rasārṇave ) rasendragur̤ikā karṣaṃ śuddharasendrasya svarasena jayādrayoḥ | śilāyāṃ khallayettāvadyāvat piptaṃ ghanaṃ tataḥ || jalakarṇākākamācī-rasābhyāṃ bhāvayet punaḥ | saugandhikapalaṃ bhṛṅgarasvarasena vibhāvitam || cūrṇitaṃ rasasaṃyuktamajākṣīrapaladvaye | khallitaṃ ghanapiṇḍantu gur̤īṃ svinnakalāyavat | kṛtvādau śivamabhyarcya dvijātīn paritoṣya ca | jīrṇānne bhakṣayedekāṃ kṣīramannaraśāsanaḥ || sarvvarūpaṃ kṣayaṃ śvāsaṃ raktapittamarocakam | api vaidyaśatai styaktamamlapittaṃ niyacchati